പാലക്കാട്: ശ്രീകൃഷ്‌ണപുരത്ത് സ്കൂൾ ബസിനടിയിൽപ്പെട്ട് സ്കൂട്ടർ യാത്രക്കാരൻ മരിച്ചു. കുപ്പത്തിൽ സ്വാമിനാഥൻ (54) ആണ് മരിച്ചത്. ശ്രീകൃഷ്ണപുരം മണ്ണമ്പറ്റ കാഞ്ഞിരംപാറയിൽ രാവിലെ 8.40 നായിരുന്നു അപകടം. ബസ് സ്വാമിനാഥന്റെ ശരീരത്തിലൂടെ കയറിയിറങ്ങിയതായി ദൃക്‌സാക്ഷികൾ പറയുന്നു.  

സ്‌കൂൾ ബസും സ്കൂട്ടർ യാത്രക്കാരനും മണ്ണമ്പറ്റയിൽ നിന്നും ശ്രീകൃഷ്ണപുരം ഭാഗത്തേക്ക്  ഒരേ ദിശയിൽ പോവുകയായിരുന്നു. ബസ് സ്കൂട്ടറിനെ ഓവർടേക്ക് ചെയ്തതാണ് അപകട കാരണമായത്. ഓവർടേക്കിനിടെ ബസിന്റെ പുറകുവശം സ്കൂട്ടറിൽ ഇടിച്ചു. മറിഞ്ഞുവീണ യാത്രക്കാരനു മുകളിലേക്ക് ബസ് കയറുകയായിരുന്നു. കാഞ്ഞിരംപാറയിൽ ചായക്കച്ചവടം നടത്തി വരികയായിരുന്നു മരിച്ച സ്വാമിനാഥൻ.