കേരള സര്‍ക്കാര്‍ സ്ഥാപനമായ ഒഡാപെകിന് കീഴില്‍ ഇത്തവണ ഓസ്‌ട്രേലിയയിലേക്ക് നഴ്‌സിങ് റിക്രൂട്ട്‌മെന്റിനായി അപേക്ഷ ക്ഷണിച്ചു. ഓസ്‌ട്രേലിയയിലെ പ്രശസ്തമായ റെസിഡന്‍ഷ്യല്‍ ഏജ്ഡ് കെയര്‍ പ്രൊവൈഡര്‍മാരുടെ ഒഴിവിലേക്കാണ് നഴ്‌സുമാരെ റിക്രൂട്ട്‌മെന്റ് ചെയ്യുന്നത്. നഴ്‌സിങ്ങില്‍ ബിരുദമുള്ളവര്‍ക്ക് അപേക്ഷിക്കാം. എ.എച്ച്.പി.ആര്‍ യോഗ്യത ഉണ്ടായിരിക്കണം.

യോഗ്യത

• നഴ്‌സിങ്ങില്‍ ബിരുദം. 
  
  
• എ.എച്ച്.പി.ആര്‍ യോഗ്യത ഉണ്ടായിരിക്കണം. 
  
  
• ഐ.ഇ.എല്‍.ടി.എസില്‍ (അക്കാദമിക് മൊഡ്യുള്‍) ഏറ്റവും കുറഞ്ഞ മൊത്തത്തിലുള്ള സ്‌കോര്‍ 7 ഉം ഓരോ വിഷയത്തിലും കുറഞ്ഞത് 7 സ്‌കോറും ഉണ്ടായിരിക്കണം. 
  
  
• നാല് വിഷയങ്ങളില്‍ (കേള്‍ക്കല്‍, വായന, എഴുത്ത്, സംസാരിക്കല്‍) ഓരോന്നിലും ഏറ്റവും കുറഞ്ഞത് ബി സ്‌കോറുള്ള ഒഇടി യോഗ്യതയുള്ളവര്‍ക്കും അപേക്ഷിക്കാം. 
  
  
• വയോജന പരിചരണത്തില്‍ രജിസ്‌ട്രേഷന്‍ ശേഷമുള്ള പ്രവര്‍ത്തി പരിചയം അത്യാവശ്യമാണ്. 

തിരഞ്ഞെടുക്കപ്പെടുന്ന ഉദ്യോഗാര്‍ഥികള്‍ക്ക് ആകര്‍ഷകമായ ശമ്പളം ലഭിക്കും. ( പ്രതിവര്‍ഷം 75000 മുതല്‍ 90000 വരെ ഓസ്‌ട്രേലിയന്‍ ഡോളര്‍) (41.84 ലക്ഷം മുതല്‍ 50.21 ലക്ഷം വരെ). ഓവര്‍ ടൈം, വാരാന്ത്യം, പൊതു അവധി ദിനത്തിലെ ജോലി എന്നിവയ്ക്ക് വേതനവും ലഭിക്കും. സാധാരണ ശമ്പളത്തേക്കാള്‍ 80% അധികമായിരിക്കും ഇത്. 

വര്‍ഷത്തില്‍ നാല് ആഴ്ച്ച അവധി ലഭിക്കും. 12 ആഴ്ച്ച ശമ്പളത്തോടെയുള്ള രക്ഷാകര്‍തൃ അവധി, നിങ്ങള്‍ക്കും നിങ്ങളുടെ കുടുംബത്തിനും സൗജന്യ ആരോഗ്യ ഇന്‍ഷുറന്‍സ്, 2 മാസം വരെ സൗജന്യ താമസം, തിരിച്ച് കിട്ടുന്ന വിമാന യാത്ര നിര്ക്ക് എന്നിവയും ആനുകൂല്യങ്ങളില്‍ ഉള്‍പ്പെടുന്നു. 

അപേക്ഷ

യോഗ്യരായ ഉദ്യോഗാര്‍ഥികള്‍ക്ക് നിങ്ങളുടെ സിവി, AHPRA രജിസ്‌ട്രേഷന്‍ തെളിവുകള്‍, IELTS/OET/PTE/TOEFL സ്‌കോര്‍ ഷീറ്റുകള്‍ എന്നിവ [email protected] എന്ന ഇ-മെയിലിലേക്ക് 2024 ജൂലൈ 10 നോ അതിനുമുമ്പോ ' AHPRA NURSE TO AUSTRALIA' എന്ന സബ്ജക്ട് ലൈന്‍ സഹിതം അയക്കുക. കൂടുതല്‍ യോഗ്യതയെക്കുറിച്ചും മറ്റും അറിയാന്‍ ഒഡാപെക് വെബ്‌സൈറ്റ് സന്ദര്‍ശിക്കുക. 

വിജ്ഞാപനം: https://odepc.kerala.gov.in/jobs/free-recruitment-of-nurses-to-australia/

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക