കരുനാഗപ്പള്ളി: ഹെല്‍മറ്റ് ധരിക്കൂ ജീവന്‍ രക്ഷിക്കൂ എന്ന മുദ്രാവാക്യവുമായി കോഴിക്കോട് ഗവ. എസ്.കെ.വി.യു.പിസ്‌കൂള്‍ ജൂനിയര്‍ റെഡ്‌ക്രോസിന്റെ നേതൃത്വത്തില്‍ ഗതാഗത ബോധവല്‍ക്കരണം നടത്തി. ഹെല്‍മറ്റ് ധരിക്കാതെ എത്തിയ ഇരുചക്രവാഹനയാത്രക്കാരെ തടഞ്ഞു നിര്‍ത്തി ലഘുലേഖ നല്‍കി. പ്ലക്കാര്‍ഡും പോസ്റ്ററും ബാനറുമൊക്കെയായി കേഡറ്റുകള്‍ ഹെല്‍മറ്റും ധരിച്ചെത്തിയാണ് ബോധവല്‍കരണം നടത്തിയത്. അധ്യാപകരായ അബദുല്‍ ലത്തീഫ്, ശ്രീകുമാരി, മുഹമ്മദ് സലിംഖാന്‍, സുമ, സ്മിത, സിന്ധു, അജിത, രശ്മി, അജിത് കുമാര്‍, പി.ശ്രീ കല എന്നിവര്‍ നേതൃത്വം നല്‍കി.