കല്‍പ്പറ്റ: എന്‍.എം.എസ്.എം ഗവ. കോളജില്‍ നാക് സന്ദര്‍ശനം ആരംഭിച്ചു. രാവിലെ 10ന് എന്‍.സി.സിയുടെ നേതൃത്വത്തില്‍ ഗാര്‍ഡ് ഓഫ് ഓര്‍ണറോട് കൂടി പ്രിന്‍സിപ്പല്‍ പി പ്രിയ, ഐ.ക്യു.എ.സി കോഡിനേറ്റര്‍ ബഷീര്‍ പുളക്കല്‍, സ്റ്റുഡന്റ് കോഡിനേറ്റര്‍ ആഷിക് എന്നിവര്‍ നാക് ടീമിനെ പ്രിന്‍സിപ്പല്‍ ചേമ്പറിലേക്ക് സ്വാഗതം ചെയ്തു. പ്രിന്‍സിപ്പലുമായുള്ള കൂടിക്കാഴ്ചക്കിടയില്‍ കോളജ് പ്രവര്‍ത്തനങ്ങള്‍ വിവരിച്ച് പവര്‍ പോയിന്റ് പ്രസന്റേഷനും നടത്തി. എന്‍.സി.സി, എന്‍.എസ്.എസ് തയാറാക്കിയ പവലിന്‍ സന്ദര്‍ശനവും നടത്തി. തുടര്‍ന്ന് വിദ്യാര്‍ഥികളും രക്ഷിതാക്കളും പൂര്‍വ വിദ്യാര്‍ഥികളുമായി നടത്തിയ ചര്‍ച്ചക്ക് ശേഷം കുട്ടികളുടെ കലാപരിപാടികളോടു കൂടി ഒന്നാം ദിവസത്തെ നാക് സന്ദര്‍ശനം പൂര്‍ത്തിയാക്കി.