തൃശൂര്‍: പാവറട്ടി വെങ്കിടങ്ങ് കരുവന്തലയില്‍  മതില്‍ ഇടിഞ്ഞുവീണ് 7 വയസ്സുകാരി മരിച്ചു. 2 കുട്ടികള്‍ക്കു പരുക്കേറ്റു. കരുവന്തല മാമ്പ്ര തൊട്ടിപ്പറമ്പില്‍ മഹേഷ് കാര്‍ത്തികേയന്റെ മകള്‍ ദേവീഭദ്ര ആണു മരിച്ചത്. വെങ്കിടങ്ങ് ശ്രീശങ്കരനാരായണ എല്‍പി സ്‌കൂളിലെ രണ്ടാം ക്ലാസ് വിദ്യാര്‍ഥിയാണ്. 

ഞായറാഴ്ച്ച 11.30 ഓടെയായിരുന്നു സംഭവം. കുടുംബ ക്ഷേത്രത്തിലെ പ്രതിഷ്ഠാ ദിനാഘോഷം നടക്കുന്നതിനിടെ മതിലിനടുത്തു കുട്ടികള്‍ കളിക്കുന്നതിനിടെയാണു സംഭവം.

ദേവീഭദ്രയ്‌ക്കൊപ്പം സഹോദരന്‍ കാശിനാഥനും (9) മറ്റൊരു കുട്ടിയും ഉണ്ടായിരുന്നു. ഇവരും മതിലിനടിയില്‍ പെട്ടെങ്കിലും പരുക്ക് സാരമുള്ളതല്ല. തലയ്ക്ക് പരുക്കേറ്റ കുട്ടിയെ ഉടന്‍ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല.