കേരളത്തില്‍ നിന്നുള്ള നഴ്‌സുമാര്‍ക്ക് സൗഊദി അറേബ്യയിലേക്ക് ജോലി നേടാന്‍ അവസരമൊരുക്കി കേരള സര്‍ക്കാര്‍. സര്‍ക്കാര്‍ സ്ഥാപനമായ നോര്‍ക്ക റൂട്ട്‌സ് മുഖേനയാണ് റിക്രൂട്ട്‌മെന്റ് സംഘടിപ്പിച്ചിരിക്കുന്നത്. യോഗ്യരായ ഉദ്യോഗാര്‍ഥികള്‍ക്ക് 2024 ജൂലൈ 22 മുതല്‍ 26 വരെ കൊച്ചിയില്‍ വെച്ച് നടക്കുന്ന അഭിമുഖത്തില്‍ പങ്കെടുക്കാം. 

തസ്തിക& ഒഴിവ്

കാര്‍ഡിയാക് കത്തീറ്ററൈസേഷന്‍, കാര്‍ഡിയാക് ഐസിയു (മുതിര്‍ന്നവര്‍ക്കുള്ളത്), ഡയാലിസിസ്, എമര്‍ജന്‍സി പീഡിയാട്രിക്, എമര്‍ജന്‍സി റൂം (ഇആര്‍), ജനറല്‍ നഴ്‌സിങ്, ഐസിയു അഡല്‍ട്ട്, മെഡിസിന്‍ & സര്‍ജറി, പ്രസവ ചികിത്സ/ ഗൈനക്കോളജി (ഒബി/ ജിവൈഎന്‍), ഓങ്കോളജി, ഓപ്പറേഷന്‍ തിയറ്റര്‍ (ഒടി/ ഒആര്‍), പീഡിയാട്രിക് ഇന്റന്‍സീവ് കെയര്‍ യൂണിറ്റ് (പി.ഐ.സി.യു) എന്നീ സ്‌പെഷ്യാലിറ്റികളിലേക്കാണ് റിക്രൂട്ട്‌മെന്റ് നടക്കുന്നത്. 

യോഗ്യത

നഴ്‌സിങ്ങില്‍ ബിരുദം/ പോസ്റ്റ് ബി.എസ്.സി 

കുറഞ്ഞത് ഒരു വര്‍ഷത്തെ പ്രവൃത്തി പരിചയം.

അപേക്ഷ

യോഗ്യരായ ഉദ്യോഗാര്‍ഥികള്‍ വിശദമായ ബയോഡാറ്റയും, വിദ്യാഭ്യാസം, പ്രവൃത്തി പരിചയം, പാസ്‌പോര്‍ട്ട് എന്നിവയുടെ പകര്‍പ്പുകളും സഹിതം [email protected] എന്ന ഇ-മെയില്‍ ഐഡിയിലേക്ക് അയക്കണം. ജൂലൈ 19 രാവിലെ 10 മണിക്കുള്ളില്‍ അപേക്ഷ നല്‍കണമെന്ന് നോര്‍ക്ക റൂട്ട്‌സ് ചീഫ് എക്‌സിക്യൂട്ടീവ് ഓഫീസര്‍ അജിത് കോളശ്ശേരി അറിയിച്ചു. 

ശ്രദ്ധിക്കുക, അപേക്ഷകര്‍ മുന്‍പ് എസ്.എ.എം.ആര്‍ പോര്‍ട്ടലില്‍ രജിസ്റ്റര്‍ ചെയ്തവരാവരുത്. കുറഞ്ഞത് ആറുമാസത്തെ കാലാവധിയുള്ള സാധുതയുള്ള പാസ്‌പോര്‍ട്ട് കൈവശമുണ്ടായിരിക്കണം. അഭിമുഖ സമയത്ത് പാസ്‌പോര്‍ട്ട് ഹാജരാക്കണം. 

സംശയങ്ങള്‍ക്ക് 04712770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തി ദിനങ്ങളില്‍) 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +918802 012 345 (വിദേശത്ത് നിന്നും, മിസ്ഡ് കോള്‍ സര്‍വ്വീസ്) ബന്ധപ്പെടാവുന്നതാണ്. 

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

norka roots recruitment for nursing professionals in saudi arabia