എമിറേറ്റ്‌സ് ലോജിസ്റ്റിക്‌സ് പ്രൊജക്ടിന്റെ ആഭിമുഖ്യത്തില്‍ ദുബൈയിലെ പഴം,പച്ചക്കറി, മാര്‍ക്കറ്റിന്റെ നിലവിലെ വലിപ്പം  ഇരട്ടിയാക്കാന്‍ തീരുമാനിച്ചു. ദുബൈ മുന്‍സിപ്പാലിറ്റിയും ഡി.പി. വേള്‍ഡും സംയുക്തമായാണ് ഭക്ഷ്യ വസ്തുക്കളുടെയും, പഴം, പച്ചക്കറികളുടെയും, ലോകത്തിലെ ഏറ്റവും വലിയ ലോജിസ്റ്റിക് ഹബ്ബ് നിര്‍മാണത്തിനായി കൈകോര്‍ത്തിരിക്കുന്നത്.

 ഈ ബൃഹദ് പദ്ധതി യു.എ.ഇയുടെ ആദ്യ സഹഭരണാധികാരിയും, ഉപപ്രധാനമന്ത്രിയും, യു.എ.ഇ ധനകാര്യമന്ത്രിയുമായ ഷെയ്ഖ് മഖ്തും ബിന്‍ മുഹമ്മദ് ബിന്‍ റാ്ഷിദ് അല്‍ മഖ്തും ആണ്  ബുധനാഴ്ച്ച പ്രഖ്യാപിച്ചത്.  ദുബൈയെ വിപണി, കയറ്റുമതി, പുനര്‍ കയറ്റുമതി, തുടങ്ങി ലോകത്തിലെ  വിവിധ മേഖലകളുമായി ബന്ധിപ്പിക്കുകയാണിതിന്റെ ലക്ഷ്യമെന്നും അദ്ദേഹം പറയുന്നു. 

നിക്ഷേപകര്‍ക്ക് മികച്ച നിലവാരമുള്ളതും നൂതനവുമായ അടിസ്ഥാന സൗകര്യങ്ങളും നല്‍കുന്നു, ഇത് വാണിജ്യ നിക്ഷേപ അവസരങ്ങള്‍ സ്യഷ്ടിക്കാനും യു.എ.ഇയുടെ ഭക്ഷ്യ സുരക്ഷാ തന്ത്രങ്ങളെ പരിപോഷിപ്പിക്കുകയും ചെയ്യാന്‍ സഹായിക്കുമെന്നും മന്ത്രി പറയുന്നു. ഡി.പി വേള്‍ഡിന് കീഴിലുള്ള പഴം,പച്ചക്കറി, മാര്‍ക്കറ്റിന്റെ ഈ വിപുലീകരണം ധാരാളം നിക്ഷേപ സാധ്യതകള്‍ കൊണ്ടുവരുമെന്നാണ് പ്രതീക്ഷിക്കുന്നത്. 

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക