മത്തിയെന്നും ചാളയെന്നും പറയുന്ന മത്തി പ്രോട്ടീനിന്റെ കലവറയാണ്. വൈറ്റമിന്‍ എ, ഡി, ബി12 എന്നിവ ധാരാളം അടങ്ങിയ മത്തി ആരോഗ്യത്തിനും മസ്തഷ്‌കത്തിനും ഹൃദയത്തിനും നല്ലതാണ്. 
 കൊളസ്‌ട്രോള്‍ കുറക്കുന്നതിനും മത്തി മികച്ചതാണ്.

എങ്ങനെ കഴിച്ചാലും രിചിയുള്ള മീന്‍ തന്നെയാണ് മത്തി. മത്തിമുളകിട്ടതും പൊരിച്ചതും തേങ്ങയരച്ചു കറിവച്ചതും വറ്റിച്ചതും പീരവച്ചതും എല്ലാം വായില്‍ വെള്ളമൂറുന്നത് തന്നെയാണ്. എന്നാല്‍ ഇന്നൊരു വറൈറ്റി മത്തി ഫ്രൈ തയാറാക്കാം.

മത്തി- ഒരു കിലോ

മുളകുപൊടി - രണ്ട് സ്പൂണ്‍

മല്ലിപ്പൊടി - രണ്ട് സ്പൂണ്‍

മഞ്ഞപ്പൊടി-ആവശ്യത്തിന്

ഉപ്പ് - ആവശ്യത്തിന്

ചെറിയ ഉള്ളി -12

വെളുത്തുള്ളി- 5 അല്ലി

വെളിച്ചെണ്ണ ആവശ്യത്തിന്

ഉണ്ടാക്കുന്ന വിധം

ഒരു പാത്രത്തില്‍ മുളകുപൊടിയും മഞ്ഞള്‍പൊടിയും ഉപ്പുമിട്ട് മിക്‌സ്‌ചെയ്ത് വരഞ്ഞുവച്ച മത്തിയില്‍ പുരട്ടിവയ്ക്കുക. ഇതില്‍ നിന്ന് കുറച്ച് മസാല മാറ്റിവയ്ക്കുക. 15 മിനിറ്റ് കഴിഞ് മത്തി വെളിച്ചെണ്ണയില്‍ ഒന്നു വറുത്തു കോരിയെടുക്കുക.

പിന്നീട് ബാക്കിയുള്ള എണ്ണയില്‍ ചെറിയുള്ളിയും വെളുത്തുള്ളിയും നന്നായി ചതച്ചതും കറിവേപ്പിലയും ഇട്ട് വഴറ്റിയെടുക്കുക. ശേഷം ബാക്കിയുള്ള മസാലക്കൂട്ട് ഇട്ട് നല്ലതു പോലെ ഇളക്കുക. ഇതിലേക്ക് വറുത്തുവച്ച മത്തികൂടെയിട്ട് ഒന്നു മിക്‌സ് ചെയ്യുക. 
ചോറിനൊപ്പം കൂട്ടാന്‍ അടിപൊളി രുചിയില്‍ കിടിലന്‍ മത്തി മസാല ഫ്രൈ റെഡി.