ഹരാരെ: സിംബാബ് വെക്കെതിരേയുള്ള ടി20 പരമ്പരയിലെ നാലാം മത്സരം ഇന്ന് നടക്കും. വൈകിട്ട് 4.30 മുതലാണ് മത്സരം. അഞ്ചു മത്സരങ്ങളടങ്ങുന്ന പരമ്പരയില്‍ ഇന്ത്യ ഇപ്പോള്‍ 2-1ന് മുന്നിലാണ്. അതിനാല്‍ ഇന്നത്തെ മത്സരത്തിലും ജയിക്കുകയാണെങ്കില്‍ ഇന്ത്യക്ക് പരമ്പര നേടാനാകും. 

ആദ്യ മത്സരത്തില്‍ തോറ്റ ഇന്ത്യ രണ്ടാം മത്സരത്തില്‍ 100 റണ്‍സിന്റെ ജയവുമായി തിരിച്ചുവന്നു. മൂന്നാം മത്സരത്തില്‍ 23 റണ്‍സിനായിരുന്നു ഇന്ത്യ ജയിച്ചു കയറിയത്. സഞ്ജു സാംസണ്‍, യശസ്വി ജെയ്സ്വാള്‍, ശുഭ്മാന്‍ ഗില്‍ എന്നിവര്‍ തിരിച്ചെത്തിയതിനാല്‍ ഇന്നത്തെ മത്സരത്തില്‍ ഇന്ത്യക്ക് അനായാസം ജയിച്ചു കയറാന്‍ കഴിയുമെന്ന പ്രതീക്ഷയിലാണ്. 

അതേസമയം ആദ്യ മത്സരത്തില്‍ എതിരാളികളെ നിസാരമായി കണ്ടതായിരുന്നു ഇന്ത്യക്ക് തിരിച്ചടിയായത്. അതിനാല്‍ ഇന്നത്തെ മത്സരത്തില്‍ ഗൗരവത്തോടെ കാര്യങ്ങള്‍ നീക്കിയാലെ സിംബാബ്വെയെ തോല്‍പിച്ച് പരമ്പര നേടാന്‍ കഴിയൂ. വൈകിട്ട് 4.30 മുതലാണ് മത്സരം.