ടൊറൻ്റോ: കഴിഞ്ഞ അഞ്ച് വർഷത്തിനിടെ സ്ഥിരതാമസക്കാരായ പുതിയ കുടിയേറ്റക്കാരുടെ തൊഴിലില്ലായ്മ നിരക്ക് രാജ്യത്തെ മൊത്തത്തിലുള്ള തൊഴിലില്ലായ്‌മ നിരക്കിന്റെ ഇരട്ടിയാണ്. ഗവൺമെൻ്റിൻ്റെ ഡാറ്റാ ഏജൻസിയായ സ്റ്റാറ്റിസ്റ്റിക്‌സ് പ്രകാരം ഔട്ട്‌ലെറ്റ് ഗ്ലോബ് ആൻഡ് മെയിൽ അടുത്തിടെ കുടിയേറ്റക്കാരുടെ തൊഴിലില്ലായ്മ 12.6% ആണെന്ന് പ്രസ്താവിച്ചു, ഇതിൽ കഴിഞ്ഞ വർഷത്തേക്കാൾ 4% വർദ്ധനവാണ് രേഖപ്പെടുത്തിയിട്ടുള്ളത്. കാനഡയിലെ മൊത്തം തൊഴിലില്ലായ്മ നിരക്ക് 6.4% ആണ്.

കാനഡയിൽ ജനിച്ചവർക്ക്, ജൂണിൽ അത് 5.5% ആണ്. അവരും സമീപകാല കുടിയേറ്റക്കാരും തമ്മിലുള്ള തൊഴിലില്ലായ്മ നിരക്കിലെ വിത്യാസം 2014 ഓഗസ്റ്റിനു ശേഷമുള്ള ഏറ്റവും വലിയ ഒരു ദശാബ്ദമാണെന്ന് ഔട്ട്‌ലെറ്റ് വ്യക്തമാക്കുന്നു.

കഴിഞ്ഞ അഞ്ച് വർഷത്തിൽ കാനഡയിൽ സ്ഥിര താമസക്കാരായ (പി.ആർ) അഥവാ പെർമനന്റ് റെസിഡൻസ് ഏറ്റവും വലിയ കൂട്ടം ഇന്ത്യക്കാരാണ്. 2023-ൽ, 471,810ൽ പുതിയ പി.ആർ ഇന്ത്യക്കാർ ഏകദേശം 30% ആയിരുന്നു വന്നത്. എന്നാൽ 2019 മുതൽ, ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡയിൽ (IRCC) നിന്നുള്ള കണക്കുകൾ പ്രകാരം 1,841,250 ൽ പുതിയ പി.ആർ ഇന്ത്യക്കാർ 514,435 ഏകദേശം 28% ആണ്.

തൊഴിൽ പങ്കാളിത്തത്തെക്കുറിച്ചുള്ള സമീപകാല റിപ്പോർട്ടുകളിൽ സ്റ്റാറ്റ്‌കാൻ പ്രസ്താവിച്ചത് 2024 ജൂണിൽ 1.4 ദശലക്ഷം തൊഴിലില്ലാത്തവരുണ്ട്. ഇത്  മുൻ മാസത്തേക്കാൾ 42,000 (+3.1%) വർദ്ധനവ് കൈവരിക്കുകയും ചെയ്തു.

ഉയർന്ന തോതിലുള്ള തൊഴിലില്ലായ്മ അഭിമുഖീകരിക്കുന്ന മറ്റ് വിഭാഗക്കാർ 15 നും 24 നും ഇടയിൽ പ്രായമുള്ള യുവ കനേഡിയൻമാരാണ്.
ജൂണിൽ 13.5% തൊഴിലില്ലായ്മ നിരക്കാണ് ഇവർ അഭിമുഖീകരിക്കുന്നത്. അതേസമയം 24 നും 54 നും ഇടയിൽ പ്രായമുള്ള കറുത്ത കനേഡിയൻമാർ കഴിഞ്ഞ മാസം 11.9% എന്ന നിരക്കിലാണ് തൊഴിൽ രഹിതരായി കഴിയുന്നത്.

ബെറ്റർ ഡെല്ലിംഗ് എന്ന ഔട്ട്‌ലെറ്റ്  കാനഡയുടെ തൊഴിലില്ലായ്മയെ കുറിച്ചു അഭിപ്രായപ്പെടുന്നത് 'തൊഴിൽ നഷ്ടത്തെ കുറിച്ചും ജനസംഖ്യാ വളർച്ചയെ കുറിച്ചും നിരക്കുകൾ താരതമ്യേനെ കുറവാണ്.  എന്നാൽ തൊഴിലവസരങ്ങൾ സൃഷ്ടിക്കുന്നതിനുള്ള രാജ്യത്തിൻ്റെ സാമ്പത്തിക ശേഷിയേക്കാൾ വളരെ വേഗത്തിൽ കുടിയേറ്റം കാനഡയിൽ വർദ്ധിച്ചുകൊണ്ടിരിക്കുകയാണ് എന്നാണ്. ഇത് പുതിയ കുടിയേറ്റക്കാരെയും  സമാനമായ അവസരങ്ങൾക്കായി മത്സരിക്കുന്ന യുവാക്കളെയും ഉയർന്ന തൊഴിലില്ലായ്മയിലേക്ക് നയിക്കുന്നു.

സേവനപരമായി പ്രവർത്തിക്കുന്ന പൊതു പോളിംഗ് ഏജൻസിയായ ആംഗസ് റീഡ് ഇൻസ്റ്റിറ്റ്യൂട്ടിൻ്റെ (എആർഐ) സമീപകാല സർവേ പ്രകാരം, കാനഡയിൽ സാമ്പത്തിക വേദന വർദ്ധിച്ചുകൊണ്ടിരിക്കുകയാണ്, ജീവിതച്ചെലവും, പാർപ്പിടവും, താങ്ങാനാവുന്ന വിലയും ആരോഗ്യ സംരക്ഷണവും അവർക്ക് ഏറ്റവും പ്രധാനപ്പെട്ട മൂന്ന് വിഷയങ്ങളാണ്.

content highlight : New immigrants flock to work, unemployment rises in Canada