ജവഹര്‍ലാല്‍ നെഹ്‌റു മെമ്മോറിയല്‍ ഫണ്ട് (ന്യൂഡല്‍ഹി), വിവിധ മേഖലകളിലെ ഗവേഷണങ്ങള്‍ക്ക് നല്‍കുന്ന ജവഹര്‍ലാല്‍ നെഹ്‌റു സ്‌കോളര്‍ഷിപ്പിന് അപേക്ഷ ക്ഷണിച്ചു. ഇന്ത്യക്കാര്‍ക്കും, മറ്റ് ഏഷ്യന്‍ രാജ്യങ്ങളില്‍ നിന്നുള്ളവര്‍ക്കും അപേക്ഷിക്കാം. 

ഇന്ത്യന്‍ ഹിസ്റ്ററി ആന്‍ഡ് സിവിലൈസേഷന്‍, സോഷ്യോളജി, കംപാരിറ്റീവ് സ്റ്റഡീസ് ഇന്‍ റിലീജിയന്‍ ആന്‍ഡ് കള്‍ച്ചര്‍, ഇക്കണോമിക്‌സ്, ഇക്കോളജി ആന്‍ഡ് എന്‍വയോണ്‍മെന്റ് എന്നീ മേഖലകളിലെ ഗവേഷണങ്ങള്‍ക്കാണ് സ്‌കോളര്‍ഷിപ്പുകള്‍ പ്രഖ്യാപിച്ചിരിക്കുന്നത്. 

യോഗ്യത: 

• അപേക്ഷകര്‍ക്ക് ഫസ്റ്റ് ക്ലാസ് പോസ്റ്റ് ഗ്രാജ്വേറ്റ് ബിരുദം. 
  
  
• ബിരുദ, പിജി പ്രോഗ്രാമുകളില്‍ 60 ശതമാനം വീതം മാര്‍ക്ക് നേടിയിരിക്കണം.
   
• ഇന്തയിലെ ഒരു അംഗീകൃത സര്‍വകലാശാലയില്‍ / സ്ഥാപനത്തില്‍, പി.എച്ച്.ഡിക്ക് രജിസ്റ്റര്‍ ചെയ്ത് / പ്രവേശനം ഫുള്‍ടൈം പി.എച്ച്.ഡി സ്‌കോളര്‍ ആയിരിക്കണം. 

2025 ഏപ്രില്‍ ഒന്നുമുതല്‍ പരമാവധി രണ്ടുവര്‍ഷത്തേക്കാണ് സ്‌കോളര്‍ഷിപ്പ് അനുവദിക്കുക. ട്യൂഷന്‍ ഫീസ് (സ്റ്റൈപ്പെന്‍ഡ്) ഉള്‍പ്പെടെ മെയിന്റനന്‍സ് അലവന്‍സായി പ്രതിമാസം 18000 രൂപയാണ് ലഭിക്കും. ഭാരതത്തില്‍ പഠനയാത്ര നടത്താനും, ബുക്ക്-സ്റ്റേഷനറി തുടങ്ങിയവ വാങ്ങാനും മറ്റുമായി കണ്ടിന്‍ജന്റ് എക്‌സ്പന്‍സായി പ്രതിവര്‍ഷം 15,000 രൂപ ലഭിക്കും. 

അപേക്ഷ ഫോം:  www.jnmf.in ല്‍ സ്‌കോളര്‍ഷിപ്പ് ലിങ്കില്‍ ലഭിക്കും. പൂരിപ്പിച്ച അപേക്ഷയും അനുബന്ധ രേഖകളും (സൈറ്റില്‍ നല്‍കിയിട്ടുള്ള പട്ടിക പ്രകാരം) ഓഗസ്റ്റ് 31നകം സ്ഥാപനത്തില്‍ ലഭിക്കണം. 

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക

jawaharlal nehru memorial fund scholarship