മാള: പ്രീമെട്രിക് സ്‌കോളര്‍ഷിപ്പ് അപേക്ഷ  സമര്‍പ്പിക്കുന്നതിനായി അക്ഷയ സെന്ററുകളില്‍ സൈറ്റ് ലോഗ് ഇന്‍ ചെയ്യാന്‍ കഴിയാതെ നിരവധി അപേക്ഷകര്‍ ദുരിന്തത്തില്‍. അക്ഷയ കേന്ദ്രങ്ങള്‍ വഴി ഓണ്‍ലൈനായി അപേക്ഷ സമര്‍പ്പിക്കാന്‍ എത്തിയ അപേക്ഷകര്‍ക്കാണ് അപേക്ഷ സമര്‍പ്പിക്കാന്‍ കഴിയാതെ വന്നിരിക്കുന്നത്. അക്ഷയ കേന്ദ്രങ്ങളില്‍ രേഖകള്‍ ഹാജറാക്കി അപേക്ഷ രജിസ്റ്റര്‍ ചെയ്ത ശേഷം മൊബൈലില്‍ രജിസ്‌ട്രേഷന്‍ നമ്പര്‍ ലഭിച്ച ചില അപേക്ഷകര്‍ക്കാണ് സൈറ്റ് ലോഗ് ഇന്‍ ചെയ്യാന്‍ കഴിയാതെ വന്നിരിക്കുന്നത്. രേഖകള്‍ അപ്‌ലോഡ് ചെയ്യുന്നതിനായി സൈറ്റില്‍ യൂസര്‍ ഐഡിയും പാസ് വേഡും നല്‍കുമ്പോള്‍  ഇന്‍ വാലീഡാണ് എന്നാണ് മറുപടി ലഭിക്കുന്നത്. എന്തു കാരണത്താലാണ് യൂസര്‍ ഐഡിയും പാസ് വേഡും ഇന്‍ വാലീഡ് ആകുന്നത് എന്ന് കണ്ടെത്താന്‍ അക്ഷയ കേന്ദ്രങ്ങളില്‍ ജോലിക്കാര്‍ക്കും കഴിയാത്ത അവസ്ഥയാണുള്ളത്. മാള, പുത്തന്‍ചിറ ഗ്രാമപഞ്ചായത്തുകളിലെ പല അക്ഷയ കേന്ദ്രങ്ങളില്‍ നിന്നും ഈ പ്രശ്‌നം റിപ്പോര്‍ട്ട് ചെയ്യുപ്പെട്ടിട്ടുണ്ട്. വിദ്യാര്‍ഥികള്‍ക്കു ലഭിക്കുന്ന പ്രീമെട്രിക് സ്‌കോളര്‍ഷിപ്പ് നഷ്ടപെടുത്തുന്ന ഈ പ്രശ്‌നത്തിന് ഉടന്‍ പരിഹാരം ഉണ്ടാകുമെന്ന പ്രതീക്ഷയിലാണ് അപേക്ഷകര്‍.