ഇന്ത്യയില്‍ നിന്ന് ഏകദേശം ഇരുപത്തയ്യായിരത്തോളം വിദ്യാര്‍ഥികളാണ് ഓരോ വര്‍ഷവും മെഡിസിന്‍ പഠിക്കാനായി വിദേശരാജ്യങ്ങളിലേക്കു പോകുന്നത്. മെച്ചപ്പെട്ട വിദ്യാഭ്യാസവും ഇന്ത്യയ്ക്കു പുറത്തു ലഭിക്കാവുന്ന മികച്ച തൊഴിലവസരങ്ങളും പ്രതീക്ഷിച്ചാണു മിക്കവരും വിദേശവിദ്യാഭ്യാസത്തിന് ഒരുങ്ങുന്നത്. 

ക്യു.എസ് റാങ്കിംഗ് 2024 അടിസ്ഥാനമാക്കി മെഡിക്കല്‍ വിദ്യാഭ്യാസത്തിനായി ലോകത്തെ മുന്‍നിര രാജ്യങ്ങള്‍ ഏതൊക്കെയാണെന്ന് നോക്കാം.

യു.എസ്

ഹാര്‍വാര്‍ഡ് യൂണിവേഴ്‌സിറ്റി, ജോണ്‍സ് ഹോപ്കിന്‍സ് യൂണിവേഴ്‌സിറ്റി, സ്റ്റാന്‍ഫോര്‍ഡ് യൂണിവേഴ്‌സിറ്റി, എം.ഐ.ടി എന്നിവയുള്‍പ്പെടെ ഏറ്റവും കൂടുതല്‍ മികച്ച കോളജുകളാണ് യു.എസിലുള്ളത്. 

യുകെ

യൂണിവേഴ്‌സിറ്റി ഓഫ് ഓക്‌സ്‌ഫോര്‍ഡ്, യൂണിവേഴ്‌സിറ്റി കോളേജ് ലണ്ടന്‍, ഇംപീരിയല്‍ കോളേജ് ലണ്ടന്‍ എന്നിവയുള്‍പ്പെടെ ഉയര്‍ന്ന റാങ്കുള്ള മെഡിക്കല്‍ ഇന്‍സ്റ്റിറ്റ്യൂട്ടുകളുള്ള രണ്ടാമത്തെ മുന്‍നിര രാജ്യമാണ് യുകെ.

ഓസ്ട്രേലിയ

ഓസ്ട്രേലിയയിലെ യൂണിവേഴ്സിറ്റി ഓഫ് മെല്‍ബണ്‍, യൂണിവേഴ്സിറ്റി ഓഫ് സിഡ്നി എന്നിവ യഥാക്രമം ലോകത്ത് 18-ഉം 26-ഉം റാങ്കുകളുള്ള യൂണിവേഴ്‌സിറ്റികളാണ്. 

കാനഡ

കാനഡയിലെ യൂണിവേഴ്‌സിറ്റി ഓഫ് ടൊറന്റോയും മക്ഗില്‍ യൂണിവേഴ്‌സിറ്റിയും യഥാക്രമം 14, 18 റാങ്കുകളുള്ള മികച്ച കോളേജുകളാണ്.

സിംഗപൂര്‍

നാഷണല്‍ യൂണിവേഴ്‌സിറ്റി ഓഫ് സിംഗപ്പൂരാണ് 18-ാമത്തെ മികച്ച മെഡിക്കല്‍ സ്ഥാപനം. അതിന്റെ യോങ് ലൂ ലിന്‍ സ്‌കൂള്‍ ഓഫ് മെഡിസിന്‍ ഏഷ്യയിലെ ഒരു പ്രമുഖ ഗവേഷണ സ്ഥാപനമാണ്