ഗുരുവായൂര്‍: പ്രമുഖ ഗാന്ധിയനും സര്‍വോദയ നേതാവും സ്വാതന്ത്ര്യസമര സേനാനിയുമായിരുന്ന തിരുവത്ര ദാമോദര്‍ജിയുടെ സ്മരണക്കായി കേരള മഹാത്മജി സാംസ്‌കാരികവേദിയും തിരുവത്ര ദാമോദര്‍ജി സ്മൃതി ഫൗണ്ടേഷനും ചേര്‍ന്നു നല്‍കുന്ന പുരസ്‌കാരത്തിനു പ്രമുഖ ഗാന്ധിയനും സര്‍വോദയ നേതാവുമായ പി.രാമചന്ദ്രന്‍ നായര്‍ അര്‍ഹനായി. ആറു പതിറ്റാണ്ടുകാലത്തെ സാമൂഹ്യ സാംസ്‌കാരിക രംഗത്തെ സേവനങ്ങളെ പരിഗണിച്ചാണ് പുരസ്‌കാരം സമര്‍പ്പിക്കുന്നത്. 10001 രൂപയും ശില്‍പവും പ്രശസ്തിപത്രവുമടങ്ങിയ പുരസ്‌കാരം സെപ്റ്റംബര്‍ നാലിന് ഗുരുവായൂര്‍ മുനിസിപ്പല്‍ ലൈബ്രറി ഹാളില്‍ നടക്കുന്ന അനുസ്മരണ സമ്മേളനത്തില്‍ സമ്മാനിക്കുമെന്ന് സജീവന്‍ നമ്പിയത്ത്, തവനൂര്‍ സുകുമാരന്‍ എന്നിവര്‍ അറിയിച്ചു.