ലഖ്‌നോ: ഉത്തര്‍പ്രദേശിലെ ഗോണ്ടയില്‍ ട്രെയിന്‍ പാളംതെറ്റി. നാല് യാത്രക്കാർ മരിച്ചു. നിരവധി പേർക്ക് പരുക്കേറ്റു.  15904 നമ്പര്‍ ചണ്ഡീഗഡ്-ദിബ്രുഗഡ് എക്‌സ്പ്രസ് ആണ് അപകടത്തില്‍പ്പെട്ടത്. ഉത്തര്‍പ്രദേശിലെ ഗോണ്ടയ്ക്കും ജിലാഹിക്കും ഇടയിലുള്ള പികൗറയിലാണ് സംഭവം. രക്ഷാപ്രവർത്തനം പുരോഗമിക്കുകയാണ്. 

നാല് എ.സി കോച്ചുകള്‍ ഉള്‍പ്പെടെ 12 കോച്ചുകളാണ് പാളം തെറ്റിയത്.  ഛണ്ഡീഗഡിൽ നിന്നു ഗോരഖ്പൂർ വഴി അസമിലെ ദിബ്രുഗഡിലേക്കു പോകുന്ന ട്രെയിനാണ് അപകടത്തില്‍പെട്ടത്.