പാലക്കാട്: ഉറങ്ങിക്കിടന്നയാള്‍ ടിപ്പര്‍ലോറി കയറിയിറങ്ങി മരിച്ചു. നെന്‍മാറ അയിലൂര്‍ പുതുച്ചി കുന്നക്കാട് വീട്ടില്‍ രമേഷ്(കുട്ടന്‍ -45)ആണ് മരിച്ചത്. ഇന്ന് പുലര്‍ച്ചെ നാലുമണിയോടയാരുന്നു സംഭവം. 

വിട് നിര്‍മാണത്തിന്റെ ഭാഗമായി മണ്ണ് ഇറക്കാന്‍ വന്ന ലോറി പിന്നിലേക്കെടുത്തപ്പോഴാണ് തറയുടെ ഭാഗത്ത് കിടന്നുറങ്ങുന്ന രമേശിന്റെ ശരീരത്തിലൂടെ കയറിയിറങ്ങിയത്. മൃതദേഹം ജില്ലാ ആശുപത്രി മോര്‍ച്ചറിയില്‍. ഭാര്യ: ഷൈജ, മക്കള്‍: നിരഞ്ജന, നീരജ്.