എഞ്ചിനീയറിംഗ് പഠിക്കാൻ ആഗ്രഹിക്കുന്നവരാണോ നിങ്ങൾ? വിദ്യാഭ്യാസ മന്ത്രാലയത്തിൻ്റെ നാഷണൽ ഇൻസ്റ്റിറ്റ്യൂഷണൽ റാങ്കിംഗ് ഫ്രെയിംവർക്ക് (എൻ.ഐആർ.എഫ്) റാങ്കിങ് അടിസ്ഥാനത്തിൽ ഇന്ത്യയിലെ മികച്ച സ്വകാര്യ എഞ്ചിനീയറിംഗ് കോളേജുകൾ ഏതൊക്കെയെന്നറിയാം. 

അധ്യാപനം, ഗവേഷണം, വ്യാപനം എന്നിവയെ അടിസ്ഥാനമാക്കിയുള്ള സ്ഥാപനങ്ങളെ വിലയിരുത്തി എൻ.ഐആർ.എഫ് ജൂലൈ 8-ന് പട്ടിക പുറത്തിറക്കി. വിദ്യാർത്ഥികൾക്കും രക്ഷിതാക്കൾക്കും മികച്ച വിദ്യാഭ്യാസ സ്ഥാപനങ്ങൾ കണ്ടെത്തുവാനും കോളേജുകളെ കുറിച്ചു കൂടുതൽ  അറിയാനും അവ സഹായിക്കുന്നു.

റാങ്ക് 1: അമൃത വിശ്വവിദ്യാപീഠം

തമിഴ്‌നാട്ടിലെ കോയമ്പത്തൂരിൽ സ്ഥിതി ചെയ്യുന്ന സ്വകാര്യ സർവ്വകലാശാലയായ അമൃത വിശ്വവിദ്യാപീഠം 2023-ലെ എൻ.ഐആർ.എഫ് റാങ്കിംഗിൽ 19-ാം സ്ഥാനത്താണ്. 1200 -ലധികം ജനസംഖ്യയിൽ വരുന്ന വിദ്യാർത്ഥികളോട് കൂടി, യൂജി, പിജി, ഡോക്ടറൽ പ്രോഗ്രാമുകൾ വാഗ്ദാനം ചെയ്യുന്ന അമൃത വിശ്വവിദ്യാപീഠത്തിന് ഏകദേശം 1500 ഫാക്കൽറ്റികളുടെ സേവനമാണ് ഉള്ളത്.  

റാങ്ക് 2: താപ്പർ ഇൻസ്റ്റിറ്റ്യൂട്ട് ഓഫ് എഞ്ചിനീയറിംഗ് ആൻഡ് ടെക്നോളജി

പഞ്ചാബിലെ പട്യാലയിൽ സ്ഥിതി ചെയ്യുന്ന ഈ സർവ്വകലാശാലയ്ക്ക് 2023-ലെ എൻ.ഐആർ.എഫ് റാങ്കിംഗിൽ 20-ാം സ്ഥാനമാണുള്ളത്. എഞ്ചിനീയറിംഗ് മേഖലയിലെ വിദ്യാർത്ഥികൾക്ക് താപ്പർ ഇൻസ്റ്റിറ്റ്യൂട്ട് ഓഫ് എഞ്ചിനീയറിംഗ് ആൻഡ് ടെക്നോളജി വിവിധ സ്പെഷ്യലൈസേഷനുകളിലായി യുജി, പിജി, പിഎച്ച്ഡി പ്രോഗ്രാമുകൾ വാഗ്ദാനം ചെയ്യുന്നു.

റാങ്ക് 3: ബിർള ഇൻസ്റ്റിറ്റ്യൂട്ട് ഓഫ് ടെക്നോളജി & സയൻസ് പിലാനി

രാജസ്ഥാനിലെ പിലാനിയിൽ സ്ഥിതി ചെയ്യുന്ന ഈ യൂണിവേഴ്സിറ്റി 59.52 സ്കോറോടെ  എൻ.ഐആർ.എഫ് റാങ്കിംഗിൽ 25-ാം സ്ഥാനത്തു നിൽക്കുന്നു. 9 സ്ട്രീമുകളിലായി 137 കോഴ്സുകൾ ഉള്ള ബിർള ഇൻസ്റ്റിറ്റ്യൂട്ട് ഓഫ് ടെക്നോളജി & സയൻസ് പിലാനി വിദ്യാർത്ഥികൾക്ക് വിവിധ ബിരുദ, ബിരുദാനന്തര, പിഎച്ച്ഡി കോഴ്സുകൾ വാഗ്ദാനം ചെയ്യുന്നു.

റാങ്ക് 4: ശിക്ഷ 'ഒ' അനുസന്ധൻ

2023-ലെ NIRF റാങ്കിംഗിൽ 27-ാം സ്ഥാനത്തുള്ള ഈ സർവകലാശാല ഒഡീഷയിലെ ഭുവനേശ്വറിൽ സ്ഥിതി ചെയ്യുന്നു. ഈ ഇൻസ്റ്റിറ്റ്യൂട്ട് അതിൻ്റെ വിദ്യാർത്ഥികൾക്കായി വിവിധ ബിരുദ, ബിരുദാനന്തര പ്രോഗ്രാമുകൾ നൽകുന്നു.

റാങ്ക് 5: എസ്.ആർ.എം. ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജി

തമിഴ്‌നാട്ടിലെ ചെന്നൈയിൽ സ്ഥിതി ചെയ്യുന്ന എസ്.ആർ.എം. ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജി 2023-ലെ എൻ.ഐആർ.എഫ്  റാങ്കിംഗിൽ 28-ാം സ്ഥാനത്താണ്. 7 സ്കൂളുകളും 19 വകുപ്പുകളുമാണ് ഐ.എസ്.ആർ.എം ക്യാമ്പസിനകത്ത് വരുന്നത്. 

content highlight ; Best Private Engineering Colleges in India