നീലേശ്വരം( കാസർകോട്): രക്ഷകർത്താവ് എന്ന നിലയിൽ അതത് സ്കൂളുകളിൽ പഠിക്കുന്ന കുട്ടികളുടെ മാതാവിനോ പിതാവിനോ മാത്രമേ പിടിഎ കമ്മറ്റികളിൽ അംഗമാകാൻ പാടുള്ളൂവെന്ന് കർശന നിർദേശവുമായി പൊതുവിദ്യാഭ്യാസ വകുപ്പ് ഡയറക്ടറുടെ സർക്കുലർ.പിടിഎ പ്രസിഡന്റിന്റെ തുടർച്ചയായ കാലാവധി മൂന്നുവർഷമാക്കി പരിമിതിപ്പെടുത്തിയ 2016ലെ ഉത്തരവ് നടപ്പാക്കാനും, പിടിഎയുടെ പ്രവർത്തനങ്ങൾക്ക് നിലവിലുള്ള നിയന്ത്രണങ്ങൾ കർശനമായി പാലിക്കാനും സർക്കുലറിൽ നിഷ്കർഷിച്ചിട്ടുണ്ട്. ജൂലൈ 17നാണ് ജില്ലാ,ഉപജില്ല ഓഫീസർമാർക്കും ബന്ധപ്പെട്ട സ്കൂൾ മേധാവികൾക്കും പൊതുവിദ്യാഭ്യാസ വകുപ്പ് ഡയറക്ടർ സർക്കുലർ അയച്ചിട്ടുള്ളത്.

പിടിഎ കമ്മറ്റികൾക്ക് സർക്കാരിന്റെ നിർദ്ദേശങ്ങൾക്ക് പുറമേയുള്ള കാര്യങ്ങളിൽ ഇടപെടാൻ അധികാരമില്ലെന്നും ഒരു അധ്യായന വർഷം മൂന്ന് ജനറൽബോഡിയോഗങ്ങൾ വിളിച്ചു ചേർക്കണമെന്നും സർക്കുലറിൽ ആവശ്യപ്പെടുന്നു. സ്കൂൾ തുറന്നാൽ ജൂലൈ 31നകം ആദ്യ പിടിഎ ജനറൽ ബോഡിയോഗം വിളിച്ചു ചേർക്കണമെന്നും രണ്ടാമത്തെ ജനറൽബോഡിയോഗം രണ്ടാം ടേമിലും മൂന്നാമത്തെ യോഗം ഹയർസെക്കൻഡറി വെക്കേഷണൽ ഹയർ സെക്കൻഡറികളിലെ 10, 12 ക്ലാസ്സുകളിലെ പരീക്ഷ നടക്കുന്നതിന് ഒരു മാസം മുമ്പും മറ്റ് സ്കൂളുകളിൽ ഫെബ്രുവരിഅവസാന വാരത്തിലും ജനറൽബോഡി യോഗങ്ങൾ വിളിക്കാനുമാണ് സർക്കുലറിൽ പറയുന്നത് .

പിടിഎ കമ്മിറ്റികൾ കാര്യക്ഷമമായി പ്രവർത്തിക്കുന്നില്ല എന്ന് കഴിഞ്ഞ അധ്യയന വർഷം ലഭിച്ച പരാതിയുടെ അടിസ്ഥാനത്തിലാണ് പൊതുവിദ്യാഭ്യാസ വകുപ്പ് ഡയറക്ടർ ഇത്തരം ഒരു ഉത്തരവിറക്കാൻ കാരണം.

The Director of Public Education has issued a strict directive mandating that only parents be included in PTA committees, ensuring a focused representation of parental concerns in schools.