പാലക്കാട്: പരിസ്ഥിതി പ്രവര്‍ത്തകന്‍ സുകുമാരന്‍ അട്ടപ്പാടി അറസ്റ്റിൽ. തമിഴ്‌നാട് പൊലിസാണ് ഇന്ന് രാവിലെ അദ്ദേഹത്തെ അറസ്റ്റ് ചെയ്തത്. ഫേസ്ബുക്ക് പോസ്റ്റിന്റെ പേരിലാണ് സുകുമാരൻ അട്ടപ്പാടിയെ അറസ്റ്റ് ചെയ്തത്. കോയമ്പത്തൂര്‍ സ്വദേശി ഷോളയൂരില്‍ വാങ്ങിയ ഭൂമി ആദിവാസി ഭൂമിയാണെന്ന ഫേസ്ബുക്ക് പോസ്റ്റിന്റെ പേരിലാണ് നടപടി.

കേരളത്തിന്റെ പ്രദേശമായ അഗളിയിലെത്തിയാണ് തമിഴ്‌നാട് പൊലിസ് സുകുമാരനെ കസ്റ്റഡിയിലെടുത്തത്. കോയമ്പത്തൂര്‍ ഗാന്ധിപുരം പൊലിസാണ് ഇന്ന് രാവിലെ അറസ്റ്റ് ചെയ്തത്. കോയമ്പത്തൂര്‍ സ്വദേശിയുടെ പരാതിയിലാണു നടപടി. ആദിവാസി ഭൂമി കൈയേറ്റത്തിനെതിരെ നിയമപോരാട്ടം നടത്തുന്ന സുകുമാരനെതിരെ തമിഴ്‌നാട്ടില്‍ നിരവധി പേര്‍ പരാതി നൽകിയിരുന്നു.

ദേശീയ അവാർഡ് ജേതാവും ​ഗായികയുമായ നഞ്ചമ്മയുടെ സമരത്തിന് നേതൃത്വം നൽകിയത് സുകുമാരന്‍ അട്ടപ്പാടിയായിരുന്നു.