വിദേശ പഠനം സ്വപനം കാണുന്ന ഓരോ വിദ്യാർത്ഥിയുടെയും ആശങ്കയാണ് മികച്ച സർവകലാശാലയിൽ നിന്നുമൊരു പഠനമെന്നത്. ചുരുങ്ങിയ ജീവിത ചിലവോടു കൂടി ഒട്ടനവധി വിദ്യാർത്ഥികളാണ് കാനഡ പോലുള്ളൊരു രാജ്യത്തേക്ക് പാലായനം ചെയ്യുന്നത്. 

സർവകലാശാലകളുടെ വിദ്യാഭ്യാസ സമ്പ്രദായവും ലോകമെങ്ങുമുള്ള വിദ്യാർത്ഥികൾക്ക് വിദേശ പഠനത്തിനായുള്ള പ്രേരണ നൽകുന്നു. കനേഡിയൻ സർക്കാരുകളുടെ ആനുകൂല്യങ്ങളും സഹകരണവും കൊണ്ട് മികച്ച അവസരങ്ങളാണ് വിദ്യാർത്ഥികൾക്കായി കാത്തിരിക്കുന്നത്. കാനഡയിൽ മികച്ച കമ്പ്യൂട്ടർ സയൻസ് പഠിക്കാൻ ആഗ്രഹിക്കുന്ന വിദ്യാർത്ഥികൾക്കായി ക്യു എസ് റാങ്കിംഗ് ഉൾപ്പെടുന്ന മികച്ച പത്ത് സർവകലാശാലകളേതെന്ന് അറിയാം. 

കാനഡയിലെ മികച്ച കമ്പ്യൂട്ടർ സയൻസ് സർവകലാശാലകളേതെന്നറിയാം; 

• ടൊറൻ്റോ യൂണിവേഴ്സിറ്റി

കാനഡയിലെ ടൊറൻ്റോയിലുള്ള ഒരു പൊതു ഗവേഷണ സർവ്വകലാശാലയാണ് ടൊറൻ്റോ യൂണിവേഴ്സിറ്റി. അപ്പർ കാനഡയിലെ ആദ്യത്തെ ഉന്നത വിദ്യാഭ്യാസ സ്ഥാപനമായ കിംഗ്സ് കോളേജ് എന്ന പേരിൽ 1827-ൽ റോയൽ ചാർട്ടർ സ്ഥാപിച്ചതാണ് ടൊറൻ്റോ യൂണിവേഴ്സിറ്റി. 
രാജ്യത്ത് കമ്പ്യൂട്ടർ സയൻസ് പഠിക്കുന്ന മുൻനിര സർവകലാശാലകളിലൊന്നാണ് ടൊറൻ്റോ യൂണിവേഴ്സിറ്റി.

• വാട്ടർലൂ യൂണിവേഴ്സിറ്റി

കാനഡയിലെ ഒൻ്റാറിയോയിലെ വാട്ടർലൂവിൽ പ്രധാന കാമ്പസുള്ള ഒരു പൊതു ഗവേഷണ സർവ്വകലാശാലയാണ് യൂണിവേഴ്സിറ്റി ഓഫ് വാട്ടർലൂ. അപ്ടൗൺ വാട്ടർലൂ, വാട്ടർലൂ പാർക്ക് എന്നിവയോട് ചേർന്നുള്ള  998 ഏക്കർ സ്ഥലത്ത് വ്യാപിച്ചു കിടക്കുന്ന പ്രധാന കാമ്പസ്സിന് മൂന്ന് സാറ്റലൈറ്റ് കാമ്പസുകളും നാല് അഫിലിയേറ്റഡ് യൂണിവേഴ്സിറ്റി കോളേജുകളുമാണ് വരുന്നത്. 

• യൂണിവേഴ്സിറ്റി ഓഫ് ബ്രിട്ടീഷ് കൊളംബിയ

1908-ൽ സ്ഥാപിതമായ ഇത് ബ്രിട്ടീഷ് കൊളംബിയയിലെ ഏറ്റവും പഴയ സർവകലാശാലയാണ് യൂണിവേഴ്സിറ്റി ഓഫ് ബ്രിട്ടീഷ് കൊളംബിയ. 747.3 മില്യൺ ഡോളറിൻ്റെ വാർഷിക ഗവേഷണ ബജറ്റിൽ, വ്യാവസായിക മേഖലയിലും, സർക്കാർ ഇതര സ്ഥാപനങ്ങളിലും വിവിധ പഠന മേഖലകളിലായി യൂണിവേഴ്സിറ്റി ഓഫ് ബ്രിട്ടീഷ് കൊളംബിയ പ്രതിവർഷം 9,675 പ്രോജക്റ്റുകൾക്ക് ധനസഹായം നൽകുന്നു.

• മക്ഗിൽ യൂണിവേഴ്സിറ്റി

കാനഡയിലെ ക്യൂബെക്കിലെ മോൺട്രിയലിൽ സ്ഥിതി ചെയ്യുന്ന ഒരു ഇംഗ്ലീഷ് ഭാഷയിലുള്ള പൊതു ഗവേഷണ സർവ്വകലാശാലയാണ് മക്ഗിൽ യൂണിവേഴ്സിറ്റി.  ഈ സർവ്വകലാശാലയ്ക്ക് സ്കോട്ടിഷ് വ്യാപാരിയായ ജെയിംസ് മക്ഗില്ലിൻ്റെ പേരാണ് ഉള്ളത്. 1821-ൽ സ്ഥാപിതമായ ഈ സർവ്വകലാശാലയുടെ മൈതാനം ബാസ്കറ്റ്ബോളിൻ്റെയും ഹോക്കിയുടെയും ജന്മസ്ഥലമായിയാണ് അറിയപ്പെടുന്നത്. ലോകത്തിലെ ആദ്യത്തെ ഇൻറർനെറ്റ് സെർച്ച് എഞ്ചിൻ ആർച്ചി ഇവിടെ സൃഷ്ടിക്കപ്പെട്ടതായിരുന്നു, കാനഡയിലെ ആദ്യത്തെ വനിതാ പ്രൊഫസറും ഇവിടെയാണ് പഠിപ്പിച്ചത്.

• മോൺട്രിയൽ യൂണിവേഴ്സിറ്റി

കാനഡയിലെ ക്യൂബെക്കിലെ മോൺട്രിയലിലുള്ള ഒരു ഫ്രഞ്ച് ഭാഷയിലുള്ള പൊതു ഗവേഷണ സർവ്വകലാശാലയാണ് യൂണിവേഴ്‌സൈറ്റ് ഡി മോൺട്രിയൽ. പതിമൂന്ന് ഫാക്കൽറ്റികളും അറുപതിലധികം വകുപ്പുകളും രണ്ട് അനുബന്ധ സ്കൂളുകളുമാണ് സ്ഥാപനത്തിൽ ഉൾപ്പെടുന്നത്. 1878-ൽ യൂണിവേഴ്‌സിറ്റി ലാവലിൻ്റെ ഒരു സാറ്റലൈറ്റ് കാമ്പസായിട്ടായിരുന്നു
 ഇത് സ്ഥാപിതമായത്.