മാഹി: ജീവിതത്തിൽ റേഡിയോ ചെലുത്തിയ സ്വാധീനങ്ങളെക്കുറിച്ച് ഓർമിപ്പിക്കാനാണ് ഇന്ന് ദേശീയ പ്രക്ഷേപണദിനമായി ആചരിക്കുന്നത്. ടെലിവിഷൻ വരും മുമ്പ് റേഡിയോ മാത്രമായിരുന്നു പ്രക്ഷേപണമാധ്യമം. ഇന്ന് ആകാശവാണിയുടെ 414 റേഡിയോ സ്റ്റേഷനുകളും മറ്റ് സ്വകാര്യ എഫ്.എം ചാനലുകളും നിരവധിയാണ്.

പാനൂർ കേന്ദ്രീകരിച്ച് പ്രവർത്തിക്കുന്ന റേഡിയോ ജൻവാണി 90.8 ഇ.എം ആണ് കണ്ണൂരിലെ ആദ്യ കമ്മ്യൂണിറ്റി എഫ്.എം. 2012 ഒക്ടോബർ രണ്ടിനായിരുന്നു ജൻവാണിയിൽ നിന്ന് ആദ്യശബ്ദം വാനിലേക്കുയർന്നത്. 17മണിക്കൂറായിരുന്നു പ്രക്ഷേപണം. ഇപ്പോൾ 24 മണിക്കൂറും ആ യാത്ര തുടരുകയാണ്. പാനൂരിലും പരിസരങ്ങളിലും കോഴിക്കോടിൻ്റെ വടക്കൻ അതിർത്തിയിലും മാഹിയിലും പ്രക്ഷേപണം നേരിട്ടെത്തുന്നു. 20 കിലോ മീറ്ററോളം തീരദേശ മേഖലയിലും കേൾക്കാം.

ലോകത്തിന്റെ ഏതുകോണിലും മലയാളികൾക്ക് ആസ്വദിക്കാനുള്ള രീതിയിൽ തത്സമയ പ്രക്ഷേപണം ഓൺലൈനിലും ലഭ്യമാണ്.വിവിധമേഖലകളിൽ ഊന്നൽ നൽകിയുള്ള പരിപാടികൾക്കാണ് പ്രാമുഖ്യം. ആകാശവാണിയുടെ മലയാളം, ഹിന്ദി, സംസ്‌കൃതം, ഇംഗ്ലിഷ് അടക്കം എല്ലാവാർത്താ ബുള്ളറ്റിനുകളും തത്സമയം ജൻവാണി ജനങ്ങളിലെത്തുന്നു.

Celebrate National Broadcasting Day by exploring the impact of radio, highlighting Radio Janvani 90.8 FM, Kannur's first community radio station. Broadcasting since 2012, Radio Janvani serves Panoor and nearby areas with a 24-hour service.