തൃക്കരിപ്പൂര്‍: മെട്ടമ്മല്‍ സി.എച്ച് മുഹമ്മദ് കോയ ഹയര്‍ സെക്കന്‍ഡറി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. സ്‌കൂളിലേക്ക് ഒരു വര്‍ഷം പത്രം സ്‌പോണ്‍സര്‍ ചെയ്ത തൃക്കരിപ്പൂര്‍ റെയ്ഞ്ച് ട്രഷറര്‍ കൂടിയായ എസ്. ശാഹുല്‍ ഹമീദ് ഹാജി സ്‌കൂള്‍ ലീഡര്‍ യു.പി ശിഫാനക്ക് പത്രം കൈമാറി പദ്ധതിക്ക് തുടക്കം കുറിച്ചു. പ്രിന്‍സിപ്പല്‍ സത്യനാഥന്‍, ഗംഗാധരന്‍ മാസ്റ്റര്‍, അഷ്‌റഫ് മൗലവി, എ.പി.ടി അബ്ദുല്‍ ഖാദര്‍, സമീര്‍ മുഹമ്മദ്, എ.ജി ഹമീദ്, വി.വി സുലൈമാന്‍ ഹാജി, കെ. കുഞ്ഞബ്ദുല്ല, ഹാരിസ് അഹ്‌സനി സംബന്ധിച്ചു.