മുംബൈ: മഹാരാഷ്ട്രയില്‍ അണക്കെട്ട് പ്രദേശത്ത് നേരിയ ഭൂചലനം അനുഭവപ്പെട്ടു. സാംഗ്ലി ജില്ലയിലെ ഷിരാല ചന്ദോളി അണക്കെട്ട് പ്രദേശത്താണ് ഭൂചലനം ഉണ്ടായത്. പുലർച്ചെ 4.47നാണ് ഭൂചലനം അനുഭവപ്പെട്ടത്. ഈ ഭൂചലനത്തിൻ്റെ തീവ്രത റിക്ടർ സ്കെയിലിൽ 3 ആയി രേഖപ്പെടുത്തിയിട്ടുണ്ട്. ഏകദേശം 8 കിലോമീറ്റർ വിസ്തൃതിയിൽ ഭൂചലനം അനുഭവപ്പെട്ടു. 

സാംഗ്ലി ജില്ലയിൽ കനത്ത മഴ തുടരുകയാണ്. മഴയെത്തുടർന്ന് ചന്ദോളി അണക്കെട്ട് പൂർണമായും നിറയുകയും ഈ അണക്കെട്ടിൽ നിന്ന് വെള്ളം ഒഴുക്കിവിടുകയുമാണ് ഇപ്പോൾ നടക്കുന്നത്. ഈ ഡിസ്ചാർജ് തുടരുന്നതിനിടെയാണ് ഇന്ന് പുലർച്ചെയുണ്ടായ ഭൂചലനത്തിൽ അണക്കെട്ട് പ്രദേശം കുലുങ്ങിയത്. ഏതാനും നിമിഷങ്ങളോളം ഭൂമി കുലുങ്ങിയത് ആളുകളിൽ ഭീതി പരത്തി. അതിനിടെ, മഴ കൂടുന്നതിനാൽ ജനങ്ങൾ ജാഗ്രത പാലിക്കണമെന്നും ഭരണകൂടം നിർദേശിച്ചിട്ടുണ്ട്.