കോട്ടപ്പുറം: കോട്ടപ്പുറം ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂളിനെ മികച്ച സ്‌കൂളായി മാറ്റുന്നതിനുള്ള നടപടികള്‍ സ്വീകരിക്കണമെന്നു അധ്യാപക രക്ഷാകര്‍തൃ വാര്‍ഷിക പൊതുയോഗം ആവശ്യപ്പെട്ടു. മണ്ഡലങ്ങളില്‍ മികവിന്റെ ഭാഗമായി ഉയര്‍ത്തുന്ന സ്‌കൂളുകളില്‍ കോട്ടപ്പുറത്തെയും ഉള്‍പ്പെടുത്തണമെന്നും യോഗം ആവശ്യപ്പെട്ടു. പി.ടി.എ പ്രസിഡന്റ് കെ. മുഹമ്മദ്കുഞ്ഞി അധ്യക്ഷനായി.
       പ്രധാനാധ്യാപിക കെ.പി ദിനപ്രഭ റിപ്പോര്‍ട്ടും വി.എച്ച്.എസ്.ഇ പ്രിന്‍സിപ്പല്‍ ഉഷ ടൈറ്റസ് വരവുചെലവു കണക്കും അവതരിപ്പിച്ചു. സീനിയര്‍ അസിസ്റ്റന്റ് കെ. പ്രശാന്ത് സുന്ദര്‍, സ്റ്റാഫ് സെക്രട്ടറി രാജുമുട്ടത്ത്, കെ. പത്മനാഭന്‍ നമ്പൂതിരി സംസാരിച്ചു. ദീര്‍ഘകാല പി.ടി.എ ഭാരവാഹികളായിരുന്ന ഇബ്‌റാഹിം പറമ്പത്ത്, എന്‍.പി മുഹമ്മദ്കുഞ്ഞി, അബ്ദുറഹിമാന്‍ പുഴക്കര എന്നിവരെ പൊന്നാടയണിയിച്ച് ആദരിച്ചു.
ഭാരവാഹികള്‍: കെ.പി കമാല്‍ (പ്രസിഡന്റ്), കെ. മുഹമ്മദ്കുഞ്ഞി (വൈസ് പ്രസിഡന്റ്), ഇബ്‌റാഹിം പറമ്പത്ത് (എസ്.എം.സി ചെയര്‍മാന്‍), എന്‍.പി മുഹമ്മദ്കുഞ്ഞി (വൈസ് ചെയര്‍മാന്‍).