ബ്രഡ്കഴിക്കാന്‍ എല്ലാവര്‍ക്കും ഇഷ്ടമാണ്. പ്രത്യേകിച്ച് കുട്ടികളും പ്രായമായവരുമൊക്കെ ഇത് ദിവസവും കഴിക്കുന്നവരാണ്. എന്നാല്‍ ഇന്ന് ഇതുവച്ചൊരു അടിപൊളി സ്‌നാക്കുണ്ടാക്കാം. എല്ലാവര്‍ക്കും ഇഷ്ടമാകുമെന്നതില്‍ ഒരു സംശയവും വേണ്ട.

ആവശ്യമുള്ളവ

ഉരുളക്കിഴങ്ങ് വേവിച്ചത് ഉടച്ചത് -3

ബ്രഡ് - നാല് പീസ്

സവാള -2

പച്ചമുളക്-2

ഇഞ്ചിവെളുത്തുള്ളി- പേസ്റ്റ് അര സ്പൂണ്‍

മഞപൊടി - കാല്‍ ടീസ്പൂണ്‍

മുളകുപൊടി -അര സ്പൂണ്‍

ഉണ്ടാക്കാവുന്ന വിധം

ചുവട് കട്ടിയള്ള ഒരു പാന്‍ ചൂടാക്കി അതിലേക്ക് സവാളയിട്ട് വഴറ്റുക. വഴന്നുവരുമ്പോള്‍ അതിലേക്ക് പച്ചമുളകും 
സവാള ഇഞ്ചി വെളുത്തുള്ളി പേസ്റ്റും കാല്‍ ടീസ്പൂണ്‍ കശ്മീരി മുളകുപൊടിയും മഞ്ഞപൊടിയും ഗരം മസാലയും ചേര്‍ത്ത് നന്നായി പച്ചമണം മാറുന്നതു വരെ വഴറ്റുക. അതിലേക്ക് വേവിച്ച ഉരുളക്കിഴങ്ങ് മല്ലിയില ഇവയിട്ട് നനന്നായി മിക്‌സ്‌ചെയ്യുക. ഫില്ലിങ് റെഡിയായി

കോട്ടിങ്
മൈദ കുറച്ച് മുളകുപൊടി വെള്ളം ചേര്‍ത്ത് നന്നായി ഇളക്കുക. അധികം ലൂസാവാതെ കലക്കിയെടുക്കുക. ഒരു പാത്രത്തില്‍ ബ്രഡ്ക്രംസ് എടുക്കുക. ഇനി ബ്രഡ് എടുത്ത് അതിനു മുകളില്‍ ഈ ഫില്ലിങ് പരത്തിവയ്ക്കുക. എന്നിട്ട് നീളത്തില്‍ നാല് പീസായി കട്ട് ചെയ്‌തെടുക്കുക. ശേഷം ഓരോ പീസ് എടുത്ത് മൈദയുടെ മിക്‌സില്‍ മുക്കി ബ്രഡ്ക്രംസിലിട്ട് മുക്കി ചൂടായ എണ്ണയില്‍ പൊരിച്ചെടുക്കുക. അടിപൊളി ടേസ്റ്റായിരിക്കും. കഴിക്കാന്‍ മറക്കല്ലേ...,