കോഴിക്കോട്: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ പരിശീലന വിങ് ആയ ഓര്‍ഗാനറ്റിന്റെ നേതൃത്വത്തില്‍ മുഴുവന്‍ ശാഖകളുടെയും വര്‍ക്കിങ് സെക്രട്ടറി, സോഫ്റ്റ് വെയര്‍ കോഡിനേറ്റര്‍,സബ് വിങ് ചെയര്‍മാന്‍- കണ്‍വീനര്‍മാര്‍ എന്നിവര്‍ക്കു നല്‍കുന്ന പ്രത്യേക പരിശീലന പ്രോഗ്രാം ഓര്‍ബിക്കിന് നാളെ പാലക്കാട് ചെർപ്പുളശ്ശേരി മലബാര്‍ പോളിടെക്‌നിക്കില്‍ തുടക്കമാവും. കീഴ്ഘടകങ്ങളുടെയും ഉപസമിതികളുടെയും പ്രവര്‍ത്തനങ്ങള്‍ ഏകോപിക്കുക, മീറ്റിങ്ങുകളും പ്രോഗ്രാമുകളും ക്രമീകരിക്കുക, സോഫ്റ്റ് വെയറിന്റെ പ്രവര്‍ത്തനങ്ങള്‍ പൂര്‍ത്തീകരിക്കുക, കീഴ്ഘടകങ്ങളുടെ അഭിപ്രായങ്ങള്‍ സ്വരൂപിക്കുക എന്നിവയാണ് പ്രോഗ്രാമിന്റെ ലക്ഷ്യം.

 ഓഗസ്റ്റ്, സെപ്റ്റംബര്‍ മാസങ്ങളിലായി ജില്ലാതലങ്ങളില്‍ നടക്കേണ്ട പരിപാടിയുടെ സംസ്ഥാനതല ഉദ്ഘാടനമാണ് ഇന്ന് നടക്കുന്നത്. പാലക്കാട് ജില്ലാ പ്രസിഡന്റ് ഹുസൈന്‍ തങ്ങള്‍ കൊടക്കാട് അധ്യക്ഷനാകും. സംസ്ഥാന വൈസ് പ്രസിഡൻ്റ് ഹാഷിറലി ശിഹാബ് തങ്ങള്‍ ഉദ്ഘാടനം നിര്‍വഹിക്കും. വര്‍ക്കിങ് സെക്രട്ടറി ബഷീര്‍ അസ്അദി നാമ്പ്രം, സംസ്ഥാന ജോയിന്റ് സെക്രട്ടറി എ.എം അസ്ഗറലി കരിമ്പ, ഓര്‍ഗാനെറ്റ് സമിതി അംഗം മുബാറക്ക് എടവണ്ണപ്പാറ എന്നിവര്‍ വിവിധ സെഷനുകള്‍ക്ക് നേതൃത്വം നല്‍കും.

SKSSF Orbicon is set to commence tomorrow