ഉമ്മുല്‍ഖുവൈന്‍: ഉമ്മുല്‍ ഖുവൈനിലെ ശൈഖ് സായിദ് മസ്ജിദ് ഇന്റര്‍സെക്ഷന്‍ ഇന്ന് (ഞായര്‍) മുതല്‍ ഇനിയൊരു അറിയിപ്പ് ഉണ്ടാകുന്നത് വരെ അടച്ചിടും. സോഷ്യല്‍ മീഡിയ പ്ലാറ്റ്‌ഫോമായ ഇന്‍സ്റ്റഗ്രാമിലാണ് ഉമ്മുല്‍ഖുവൈന്‍ പൊലിസ് ഇക്കാര്യം അറിയിച്ചത്. 

ഇന്ന് രാത്രി 12 മുതലാണ് അടയ്ക്കുന്നത്. വാഹനമോടിക്കുന്നവരുടെ സൗകര്യാര്‍ഥം കിങ് ഫൈസല്‍ സ്ട്രീറ്റിലെ 2 ലൈനുകളും തുറക്കുന്നതാണ്. ഇന്റസെക്ഷനകത്തെ എക്‌സിറ്റും തുറക്കും. സുഗമമായ യാത്ര ഉറപ്പാക്കാന്‍ ഡ്രൈവര്‍മാര്‍ ജാഗ്രത പാലിക്കണമെന്നും ബദല്‍ റൂട്ടുകള്‍ ഉപയോഗിക്കണമെന്നും അധികൃതര്‍ നിര്‍ദേശിച്ചു.