കോഴിക്കോട്: ജാതി സംവരണ ലിസ്റ്റ് പുനഃപരിശോധന നടത്തണമെന്നും പത്ത് വർഷത്തിലൊരിക്കൽ നടത്തേണ്ട ഇൗ നടപടി കഴിഞ്ഞ 30 വർഷമായി നടന്നിട്ടില്ലെന്നും സമസ്ത എംപ്ലോയീസ് അസോസിയേഷൻ. ജാതി സെൻസസ് നടത്താനിരിക്കുന്നതിനാൽ വൈകിയതാണെന്ന വിചിത്ര വാദം അംഗീകരിക്കാൻ കഴിയില്ല. സുപ്രിം കോടതിയും ഹൈക്കോടതിയും നിരവധി വിധികൾ പ്രസ്താവിച്ചിട്ടും ഇതു നടക്കാത്തത് പ്രതിഷേധാർഹമാണെന്നും എസ്.ഇ.എ സംസ്ഥാന കമ്മിറ്റി സംഘടിപ്പിച്ച ടേബിൾ ടോക് അഭിപ്രായപ്പെട്ടു. ഡോ.എം.കെ.മുനീർ എം.എൽ.എ. ഉദ്ഘാടനം ചെയ്തു. സംസ്ഥാന പ്രസിഡണ്ട് മുസ്തഫ മുണ്ടുപാറ മോഡറേറ്ററായിരുന്നു.

സംസ്ഥാന ജനറൽ സെക്രട്ടറി ഡോ. ബഷീർ പനങ്ങാങ്ങര വിഷയാവതരണം നടത്തി. ദേശീയ കൺവീനർ ഷാഹുൽ ഹമീദ് മേൽമുറി, സംസ്ഥാന ട്രഷറർ സിറാജ് ഖാസി ലൈൻ, പി.ടി മുഹമ്മദ് മാസ്റ്റർ കണ്ണൂർ, ശംസുദ്ധീൻ ഒഴുകൂർ, കെ.അബ്ദുൽ അസീസ് വൈത്തിരി, ടി.കെ അലി മാസ്റ്റർ, ടി.കെ മുഹമ്മദ് കുട്ടി മാസ്റ്റർ പ്രസംഗിച്ചു. അയ്യൂബ് കൂളിമാട് സ്വാഗതവും കൺവീനർ അഷ്റഫ് ഇരിവേരി നന്ദിയും പറഞ്ഞു.

Amid growing concerns, there's a strong demand for the reevaluation of the caste reservation list to ensure fairness and inclusivity.