മലപ്പുറം: മലപ്പുറം ജില്ലയിലെ എടവണ്ണ ആരംതൊടിയിൽ രണ്ട് വാഹനങ്ങൾ വാഹനങ്ങൾ കത്തിനശിച്ചു. വീടിന് മുന്നിൽ നിർത്തിയിട്ട ഥാർ, ബൊലേറൊ എന്നീ വാഹനങ്ങളാണ് കത്തിയത്. പുലർച്ചെ മൂന്ന് മണിക്കാണ് തീപിടുത്തം ഉണ്ടായത്. ആരംതൊടിയിൽ അഷ്റഫിന്റെ വീടിനുമുന്നിൽ നിർത്തിയിട്ടിരുന്ന കാറുകളാണ് കത്തി ഉപയോഗ ശൂന്യമായത്.

ഒരു യാത്ര കഴിഞ്ഞ് തിരിച്ചെത്തിയതിന് പിന്നാലെ വീടിന്റെ കാർപോർച്ചിൽ നിർത്തിയിട്ടിരുന്നതായിരുന്നു വാഹനങ്ങൾ. ഇവയാണ് പൂർണമായി കത്തിനശിച്ചത്. തീപിടുത്തത്തിൽ വീടിനും കേടുപാടുകൾ സംഭവിച്ചിട്ടുണ്ട്. 

കാറിന് തീപിടിക്കാൻ ഉണ്ടായ കാരണം എന്താണെന്ന് വ്യക്തമായിട്ടില്ല. ആരെങ്കിലും തീയിട്ടതാണോ എന്ന് സംശയിക്കുന്നതായി വീട്ടുകാർ പറഞ്ഞു. സംഭവത്തിൽ എടവണ്ണ പൊലിസിൽ പരാതി നൽകി.