വയനാട്: മുണ്ടക്കൈ ദുരന്ത മേഖലയില്‍ ചൂരല്‍ മല വരെ വൈദ്യുതി എത്തിച്ചെതായി കെ.എസ്.ഇ.ബി അറിയിച്ചു. ഉരുള്‍പൊട്ടലിനെ തുടര്‍ന്ന് മേപ്പാടി ഇലക്ട്രിക്കല്‍ സെക്ഷന്‍ പരിധിയില്‍ വരുന്ന മേഖലയില്‍ മൂന്ന് കിലോമീറ്ററിന് മുകളില്‍ ഹൈ ടെന്‍ഷന്‍ ലൈനുകളും എട്ട് കിലോമീറ്ററിലേറെ ലോ ടെന്‍ഷന്‍ ലൈനുകളും പൂര്‍ണ്ണമായും തകര്‍ന്നു. ഉരുള്‍പൊട്ടലില്‍ രണ്ട് ട്രാന്‍സ്‌ഫോര്‍മറുകള്‍ ഒഴുകി കാണാതാവുകയും ആറ് ട്രാന്‍സ്‌ഫോര്‍മറുകല്‍ തകര്‍ന്ന് നശിക്കുകയും ചെയ്തിട്ടുണ്ട്. 

ഈ പ്രദേശത്ത് മാത്രം 1000 ഓളം വീടുകളില്‍ വൈദ്യുതി വിതരണ സംവിധാനം പൂര്‍ണ്ണമായും തകര്‍ന്നിട്ടുണ്ട്. കുറഞ്ഞത് 3 കോടി രൂപയുടെ നാശനഷ്ടങ്ങളാണ് ഉണ്ടായിട്ടുള്ളത്. നിലവില്‍ മേപ്പാടി ടൗണിലും പ്രധാന ആശുപത്രികളിലും വൈദ്യുതി വിതരണം പുനസ്ഥാപിച്ചിട്ടുണ്ട്.

kseb restored electricity in chooralmala town