തണ്ണീര്‍പന്തല്‍: നാദാപുരത്തു നടന്ന രാഷ്ട്രീയ സംഘര്‍ഷത്തിനിടെ നിരപരാധികളായ കോണ്‍ഗ്രസ് പ്രവര്‍ത്തകരുടെ വീടുകള്‍ അക്രമിച്ചതിനെതിരേ കോണ്‍ഗ്രസ് തണ്ണീര്‍പന്തല്‍ ടൗണില്‍ ഉപവാസ സമരം നടത്തി. കോണ്‍ഗ്രസ് നേതാവും മുന്‍മന്ത്രിയുമായ ആര്യാടന്‍ മുഹമ്മദ് സമരം ഉദ്ഘാടനം ചെയ്തു. ടൗണ്‍ കോണ്‍ഗ്രസ് കമ്മിറ്റി പ്രസിഡന്റ് എന്‍.കെ വിശ്വംഭരന്‍ അധ്യക്ഷനായി.
കടമേരി ബാലകൃഷ്ണന്‍, വി.എം ചന്ദ്രന്‍, പടയന്‍ കുഞ്ഞമ്മദ്, പ്രമോദ് കക്കട്ടില്‍, മരക്കാട്ടേരി ദാമോദരന്‍, അഡ്വ. ഐ. രാജന്‍, ടി.എന്‍ അബ്ദുന്നാസര്‍, നൈസാം തറോപ്പൊയില്‍, സജിത്ത് വില്യാപ്പള്ളി, എം.കെ ഗോവിന്ദന്‍ മാസ്റ്റര്‍, കെ. സജീവന്‍, കെ.പി പുരുഷു, ടി.കെ വിനീഷ്, എന്‍.പി ഇബ്രാഹീം, പ്രേമന്‍ മാസ്റ്റര്‍, എം.എന്‍ അശ്രഫ് മാസ്റ്റര്‍, പി.ടി മുഹമ്മദലി, ഷാജി കുമ്മങ്കോട്, കെ.ആര്‍ സലാം സംസാരിച്ചു.