കോഴിക്കോട്: അലി കല്ലായിയുടെ സംഗീത പരിപാടി 'ജീവരാഗം' സംഗീത പ്രേമികള്‍ക്ക് പുത്തന്‍ അനുഭവമായി. നന്മ സംസ്ഥാന സമ്മേളനത്തിന്റെ സമാപന വേദിയിലാണ് നഗരത്തിലെ ഐസ് വില്‍പനക്കാരനായ അലിക്ക് പാടാന്‍ അവസരമൊരുങ്ങിയത്.
കാഴ്ച കോഴിക്കോടിന്റെ പ്രവര്‍ത്തകര്‍ ചേര്‍ന്നാണ് പരിപാടി സംഘടിപ്പിച്ചത്. ഏതാണ്ട് 20തോളം പാട്ടുകള്‍ പാടിയ അലിക്ക് പിന്തുണയുമായി വളാഞ്ചേരി ഹംസ, അരീക്കാട് റസാഖ് (ഹാര്‍മോണിയം), വടകര രാമകൃഷ്ണന്‍(തബല), വിനോദ് ശജകര്‍ (സിത്താര്‍), ദേവദാസ് (വയലിന്‍) എന്നിവരുമുണ്ടായിരുന്നു.