മുംബൈ: യുപിഐ പേയ്‌മെൻ്റുകൾക്കുള്ള ഒരു ലക്ഷം രൂപ പരിധി ഉയർത്തി റിസർവ് ബാങ്ക് ഓഫ് ഇന്ത്യ. യുപിഐ ഇടപാട് അഞ്ച് ലക്ഷം രൂപയിലേക്കാണ് ഉയർത്തിയത്. നികുതി അടയ്ക്കുന്നതിനുള്ള യുപിഐ പരിധിയാണ് ഉയർത്തിയത്. ഇതോടെ ഉയര്‍ന്ന നികുതി ബാധ്യത ഇല്ലാതെ വേഗത്തില്‍ പണം അടയ്ക്കാന്‍ നികുതിദായകരെ സഹായിക്കുമെന്ന് ആർ.ബി.ഐ അറിയിച്ചു. പണവായ്പ നയ അവലോകന യോഗത്തിന് ശേഷമായിരുന്നു ആർ.ബി.ഐയുടെ പ്രഖ്യാപനം.

"നിലവിൽ, ഉയർന്ന പരിധികളുള്ള ചില വിഭാഗങ്ങൾ ഒഴികെയുള്ള യുപിഐയുടെ ഇടപാട് പരിധി 1 ലക്ഷം രൂപയാണ്. യുപിഐ വഴിയുള്ള നികുതി അടയ്ക്കുന്നതിനുള്ള പരിധി ഓരോ ഇടപാടിനും 5 ലക്ഷം രൂപയായി ഉയർത്താൻ ഞങ്ങൾ തീരുമാനിച്ചു. ഇത് ഉപഭോക്താക്കൾക്ക് യുപിഐ ഉപയോഗിച്ച് നികുതി അടയ്ക്കുന്നത് എളുപ്പമാക്കുക എന്ന ലക്ഷ്യത്തോടെയാണ്'' ആർബിഐ ഗവർണർ ശക്തികാന്ത ദാസ് പറഞ്ഞു. ചൊവ്വാഴ്ച ആരംഭിച്ച ധന നയ യോഗം അവസാനിച്ച ശേഷം മാധ്യമങ്ങളെ കാണുകയായിരുന്നു അദ്ദേഹം.

പുതിയ പരിധി അഞ്ച് ലക്ഷം രൂപയായാണ് സജ്ജീകരിച്ചിരിക്കുന്നത്. ഉപഭോക്താക്കൾക്ക് ഉയർന്ന മൂല്യമുള്ള നികുതി ഇടപാടുകൾ ലളിതമാക്കാനും സുഗമമാക്കാനുമാണ് പരിധിയിലെ വർദ്ധനവ് ലക്ഷ്യമിടുന്നത്. നാഷണൽ പേയ്മെന്റ്സ് കോർപറേഷൻ ഓഫ് ഇന്ത്യയുടെ നിയമ പ്രകാരം, ഒരു ലക്ഷം രൂപയിൽ കൂടുതലുള്ള യുപിഐ ഇടപാടുകൾക്ക് നികുതി നല്കാനമായിരുന്നു. യുപിഐ ഉപയോഗിച്ച് നികുതിയില്ലാതെ ഒരു വ്യക്തിക്ക് കൈമാറാൻ കഴിയുന്ന പരമാവധി തുകയാണ് ഇത്. ഈ തുകയ്ക്ക് മുകളിലുള്ള ഏതൊരു കൈമാറ്റത്തിനും നികുതി നല്കാനമായിരുന്നു. ഇതാണ് ആർബിഐ ഇപ്പോൾ അഞ്ച് ലക്ഷമാക്കി ഉയർത്തിയിരിക്കുന്നത് 

ഉയർന്ന ഇടപാട് പരിധിക്ക് പുറമേ, ആർബിഐ 'ഡെലിഗേറ്റഡ് പേയ്‌മെൻ്റുകൾ' എന്ന പുതിയ യുപിഐ ഫീച്ചർ അവതരിപ്പിച്ചു. റിപ്പോ നിരക്ക് 6.5 ശതമാനമായി തുടരുമെന്നും ഗവർണർ ശക്തികാന്ത ദാസ് അറിയിച്ചു . ഇതോടൊപ്പം, ഡിജിറ്റൽ വായ്പാ ഇക്കോസിസ്റ്റം മെച്ചപ്പെടുത്തുന്നതിനുള്ള നിരവധി നടപടികളും ആർബിഐ വെളിപ്പെടുത്തി.

The Reserve Bank of India (RBI) has announced a significant increase in the transaction limit for tax payments through the Unified Payments Interface (UPI) from Rs 1 lakh to Rs 5 lakh