ദുബൈ: എസ്.കെ.എസ്.എസ്.എഫ് ദുബൈ സ്റ്റേറ്റ് കമ്മിറ്റി ആഭിമുഖ്യത്തില്‍ സമസ്ത നൂറാം വാര്‍ഷിക പ്രചാരണ സമ്മേളനം 10ന് ദുബൈയില്‍ നടക്കും. ശനിയാഴ്ച വൈകുന്നേരം 4.30ന് ദേര അല്‍ ബറാഹ വിമന്‍സ് അസോസിയേഷന്‍ ഓഡിറ്റോറിയത്തില്‍ നടക്കുന്ന പരിപാടിയില്‍ പങ്കെടുക്കുന്ന സമസ്ത കേന്ദ്ര മുശാവറ അംഗവും ജാമിഅ:  നന്തി ദാറുസ്സലാം ജനറല്‍ സെക്രട്ടറി ജംഇയ്യത്തുല്‍ മുദരിസീന്‍ സംസ്ഥാന സെക്രട്ടറിയുമായ എ.വി അബ്ദുറഹ്മാന്‍ മുസ്‌ലിയാര്‍ക്ക് ഷാര്‍ജ എയര്‍പോര്‍ട്ടില്‍ നേതാക്കള്‍ സ്വീകരണം നല്‍കി. ദുബൈ സുന്നി സെന്റര്‍ ഓര്‍ഗനൈസിംഗ് സെക്രട്ടറി ഹുസൈന്‍ ദാരിമി, സത്യധാര നാഷണല്‍ ചെയര്‍മാന്‍ അബ്ദുല്‍ ഖാദര്‍ ഫൈസി, ദുബൈ സ്റ്റേറ്റ് എസ്.കെ.എസ്.എസ്.എഫ് പ്രസഡന്റ് അലി ഫൈസി മണ്ണാര്‍ക്കാട്, ദാഈ ദാരിമി, യു.എ.ഇ നാഷണല്‍ സെക്രട്ടറി ഷഫീഹ് ദാഈ ദാരിമി, ജാഫര്‍ ദാരിമി ഹൈതമി, ഷഫീഖ് പന്നൂര്‍, ദുബൈ-കോഴിക്കോട് ജില്ലാ എസ്.കെ.എസ്.എസ്.എഫ് സെക്രട്ടറി നസ്‌റുള്ള, ഷമീര്‍ ഒഞ്ചിയം, നാസര്‍ റഹ്മാനി, ഷീഷന്‍ അലി, റിയാസ് നന്തി, അന്‍സാര്‍, ജസീല്‍ അശ്അരി, റസാഖ് വടകര, നാസിം പാണക്കാട്, ഷാര്‍ജ എസ്.കെ.എസ്.എസ്.എഫ് സെക്രട്ടറി ഹക്കീം, യു.എ.ഇ എസ്.കെ.എസ്.എസ്.എഫ് സെക്രട്ടറി ഫൈസല്‍ പയ്യനാട്, ഉമര്‍, സുഹൈര്‍ അസ്ഹരി, സഫീര്‍ ജാറംകണ്ടി, മിന്‍ഹാജ് ഫൈസി തുടങ്ങിയവരുടെ നേതൃത്വത്തിലായിരുന്നു സ്വീകരണം.