പാരിസ്: ഒളിംപിക്സിന്റെ സമാപന ചടങ്ങില്‍ മലയാളി താരം പി.ആര്‍ ശ്രീജേഷ് ഇന്ത്യന്‍ പതാകയേന്തും. നേരത്തെ മനു ഭക്കറും ശ്രീജേഷും പതാക വാഹകരാകാനായിരുന്നു തീരുമാനിച്ചിരുന്നത്. എന്നാല്‍ മനു ഭക്കര്‍ നാട്ടിലേക്ക് മടങ്ങിയിട്ടുണ്ട്. രണ്ട് പതിറ്റാണ്ടിലേറെയായി ശ്രീജേഷ് ഇന്ത്യന്‍ ഹോക്കിയിലും കായികരംഗത്തും സ്തുത്യര്‍ഹമായ സേവനം അനുഷ്ഠിച്ച താരമാണ്. അതിനാല്‍ ശ്രീജേഷ് തന്നെയാകും സമാപന ചടങ്ങില്‍ ഇന്ത്യയുടെ പതാക വാഹകരില്‍ ഒരാളാവുകയെന്ന് ഒളിംപ്യന്‍ അസോസിയേന്‍ പ്രസിഡന്റ് പി.ടി ഉഷ വ്യക്തമാക്കി. മനു ഭാക്കറിനെ വനിതാ പതാക വാഹകയായി ഐ.ഒ.എ നേരത്തെ തിരഞ്ഞെടുത്തിരുന്നു. എന്നാല്‍ താരം ഇനി പാരിസിലേക്ക് തിരിച്ചെത്തുമോ എന്ന കാര്യം അറിവായിട്ടില്ല.