എല്ലാ കാലത്തും നമ്മുടെ ശത്രുവാണ് കൊതുക്. പ്രത്യേകിച്ച്, മഴക്കാലത്ത്. ഇവന്‍മാരെ തുരത്താന്‍ ഏതു മാര്‍ഗമുപയോഗിച്ചാലും ഞങ്ങള്‍ക്ക് പുല്ലാണ് എന്ന അഹങ്കാരമാണ് കൊതുകിന്. കൊതുക് തിരി കത്തിച്ചുവച്ചാലോ ഗുഡ്‌നൈറ്റ് പോലെയുള്ള മെഷീനുകള്‍ വച്ചാലോ ഇവയൊക്കെ തങ്ങളുടെ എനര്‍ജി ബൂസ്റ്ററായാണ് കൊതുകുകള്‍ കാണുന്നത്. അതിനാല്‍ വൈകുന്നേരമായാല്‍ ജനല്‍ തുറന്നിടാന്‍ സാധിക്കാത്ത അവസ്ഥയാണ്.

എന്നാല്‍, ഈ ശല്യക്കാരെ തുരത്താന്‍ അടുക്കളയിലെ ഇത്തിരി കടുക് മതിയെന്ന് പഞ്ഞാല്‍ വിശ്വസിക്കുമോ? എങ്ങനെയെന്നല്ലേ? നോക്കാം. 

ഇതിനാദ്യം വേണ്ടത് ഒരു ടേബിള്‍ സ്പൂണ്‍ കടുക് പൊടിച്ചെടുക്കുകയാണ്. ശേഷം ഇത് ഒരു വിളക്കിലേയ്ക്ക് ഇട്ട് കൊടുക്കുക. ഇനി കുറച്ച് വിളക്കെണ്ണ ഒഴിച്ച് രണ്ട് തിരിയിട്ട് കത്തിക്കുക. എന്നിട്ട് കൊതുകുശല്യമുള്ള സ്ഥലങ്ങളില്‍ ഇത് വച്ച് കൊടുത്താല്‍ കൊതുക് പിന്നെ ആ ഭാഗത്തേയ്ക്കു വരില്ല. 

ഇതുപോലെ വെളുത്തുള്ളി ഉപയോഗിച്ചും നമുക്ക് കൊതുക് ശല്യം ഇല്ലാതാക്കാം. വെളുത്തിള്ളി ചതച്ച് വെള്ളത്തിലിട്ട് ചൂടാക്കി അത് ഒരു സ്േ്രപ ബോട്ടിലില്‍ ഒഴിച്ചുവച്ച് റൂമുകളിലൊക്കെ സ്േ്രപ ചെയ്താല്‍ കൊതുക് പമ്പ കടക്കുന്നതു കാണാം. 

ഇനി വേറൊരു സൂത്രം കൂടെയുണ്ട്. ഗ്രാമ്പൂ, നാരങ്ങ, കറുവാപ്പട്ട എന്നിവ. ഇവ കൊതുക് ശല്യം ഇല്ലാതാക്കാനുള്ള മറ്റൊരു വിദ്യയാണ്. ഒരു പാത്രത്തില്‍ കുറച്ച് വെള്ളം എടുത്ത് ഇവ മൂന്നും അതിലിട്ട് തിളപ്പിക്കുക. ചൂടാറിയ ശേഷം ഒരു കുപ്പിയിലാക്കി സ്‌പ്രേ ചെയ്താല്‍ കൊതുക് ശല്യം പിന്നെ ഉണ്ടാകില്ല.