അരിപ്പൊടിയും തേങ്ങാപാലും ചേര്‍ത്തുണ്ടാക്കുന്ന ഒരു പരമ്പരാഗത ഡെസേര്‍ട്ടാണ് പിടിപ്പായസം. ഇതിന് അധികം ചേരുവകള്‍ ആവശ്യമില്ലെന്നതാണ് ഇതുണ്ടാക്കാന്‍ എല്ലാവരും ഇഷ്ടപ്പെടുന്നത്. രാവിലെ പത്തിരിക്ക് വാട്ടിയ മാവ് ഒരല്‍പം മാറ്റിവച്ചാല്‍ മതി. അടിപൊളി രുചിയില്‍ ഇത് ഉണ്ടാക്കാവുന്നതാണ്.

ചേരുവകള്‍

അരി പൊടി-ഒരു കപ്പ്

ഉപ്പ് -ഒരു നുള്ള്

തേങ്ങാപ്പാല്‍ -8 കപ്പ്

പഴം -2 ചെറുതായി അരിഞ്ഞത് (കടലപരിപ്പ്) ഇതില്‍ ഏതെങ്കിലും  ഒന്ന്

കടലപ്പരിപ്പ് വേവിച്ചത് - രണ്ട് കപ്പ്

ഏലക്കാ പൊടി - കാല്‍ ടീസ്പൂണ്‍

കശുവണ്ടിപ്പരിപ്പ് - 10 

മുന്തിരി -15

നെയ്യ് -ആവശ്യത്തിന്

 പിടി തയ്യാറാക്കുന്നതിന്

അരിപ്പൊടി പത്തിരിക്ക് വാട്ടിയെടുക്കുന്ന പോലെ വാട്ടിയെടുക്കുക. ഇതിനെ വളരെ ചെറിയ ചെറിയ ഉരുളകളാക്കി എടുക്കുക. ഇനി തേങ്ങയുടെ രണ്ടാം പാലില്‍ ഇവ ചേര്‍ത്ത് വേവിച്ചെടുക്കുക. നന്നായി തിളക്കുമ്പോള്‍ ഒന്നാം പാലും മധുരത്തിന് പഞ്ചസാരയോ ശര്‍ക്കരയോ ചേര്‍ത്ത് ഇളക്കുക.

ഇനി ഒരു പാന്‍ അടുപ്പത്ത് വച്ചു ചൂടാകുമ്പോള്‍ ഇതിലേക്ക് അല്‍പം നെയ്യൊഴിച്ച് ചുവന്നുള്ളി ഒന്നോ രണ്ടോ വഴറ്റിയെടുക്കുക. ശേഷം അണ്ടിപ്പരിപ്പും മുന്തിരിയും ഏത്തപ്പഴം അരിഞ്ഞതും ചേര്‍ത്ത് നന്നായി വഴറ്റിയെടുക്കുക. ശേഷം  ഇവ പായസത്തിലേക്ക് ഒഴിച്ചുകൊടുക്കുക. അല്‍പം ഏലയ്ക്കാപൊടി ചേര്‍ത്ത് ഇളക്കി മൂടിവയ്ക്കുക. അടിപൊളി പായസം റെഡി.