സ്റ്റേറ്റ് ബാങ്ക് ഓഫ് ഇന്ത്യ, പഞ്ചാബ് നാഷണല്‍ ബാങ്ക് തുടങ്ങിയ പൊതുമേഖലാ ബാങ്കുകളുമായുള്ള ഇടപാടുകള്‍ അവസാനിപ്പിച്ച് കര്‍ണാടക സര്‍ക്കാര്‍. ഇത് സംബന്ധിച്ച് മുഖ്യമന്ത്രിയുടെ അനുമതിയോടുകൂടി ഫിനാന്‍സ് സെക്രട്ടറി ഉത്തരവ് പുറത്തിറക്കി. സംസ്ഥാനത്തെ മുഴുവന്‍ സര്‍ക്കാര്‍ വകുപ്പുകളോടും ഈ രണ്ട് ബാങ്കുകളിലുമുള്ള മുഴുവന്‍ നിക്ഷേപങ്ങളും പിന്‍വലിക്കാനാണ് ഫിനാന്‍സ് സെക്രട്ടറി ഉത്തരവിറക്കിയിരിക്കുന്നത്. 

ഈ ബാങ്കുകളില്‍ ഇനി നിക്ഷേപങ്ങള്‍ നടത്തരുതെന്നും നിര്‍ദ്ദേശത്തില്‍ വ്യക്തമാക്കുന്നു. സംസ്ഥാന സര്‍ക്കാരുമായി ബന്ധപ്പെട്ട പൊതുമേഖലാ സ്ഥാപനങ്ങള്‍, കോര്‍പറേഷനുകള്‍, തദ്ദേശ സ്വയംഭരണ സ്ഥാപനങ്ങള്‍, സര്‍വകലാശാലകള്‍ തുടങ്ങി എല്ലാ സ്ഥാപനങ്ങള്‍ക്കും ഈ നിര്‍ദ്ദേശം നല്‍കിയിട്ടുണ്ട്.

രണ്ട് ബാങ്കുകളിലുമുള്ള സര്‍ക്കാര്‍ നിക്ഷേപങ്ങള്‍ ദുരുപയോഗം ചെയ്യപ്പെടുന്നതായി നേരത്തെ ആരോപണം ഉയര്‍ന്ന സാഹചര്യത്തില്‍ ഇത് സംബന്ധിച്ച് പരിശോധന നടത്തി പരിഹാരം കണ്ടെത്താന്‍ ബാങ്കുകളോട് സംസ്ഥാന സര്‍ക്കാര്‍ ആവശ്യപ്പെട്ടിരുന്നു. എന്നാല്‍ പ്രശ്‌നത്തിന് യാതൊരുവിധ പരിഹാരവും ഉണ്ടായില്ല. ഇതാണ് കടുത്ത തീരുമാനത്തിലേക്ക് കടക്കാന്‍ സര്‍ക്കാരിനെ നിര്‍ബന്ധിതരാക്കിയത്.

The Karnataka government has terminated its transactions with public sector banks, including State Bank of India and Punjab National Bank, citing reasons for the move. This decision may impact the banking operations and services in the state.