ദുബൈ: ദുബൈ ഇൻ്റർനാഷനലി(ഡി.എക്സ്.ബി)ൽ നിന്ന് സലാല എയർപോർട്ടിലേക്ക് പുറപ്പെട്ട ഫ്ലൈ ദുബൈ (എഫ്.ഇസെഡ് 39) വിമാനം ദുബൈയിലേക്ക് മടങ്ങി. ഇന്നലെ സലാലയിലെ പ്രതികൂല കാലാവസ്ഥ കാരണമായിരുന്നു തിരികെ പോന്നതെന്നു ഇതുസംബന്ധിച്ച റിപ്പോർട്ടിൽ പറഞ്ഞു.യാത്രക്കാർക്ക് അവരുടെ ഫ്ലൈറ്റുകളെക്കുറിച്ചുള്ള ഏറ്റവും പുതിയ വിവരങ്ങൾക്കായി flydubai.comൽ ഫ്ലൈറ്റ് സ്റ്റാറ്റസ് പരിശോധിക്കാൻ എയർലൈൻ വക്താവ് നിർദേശിച്ചു. 

പ്രതികൂല കാലാവസ്ഥ കാരണം ശനിയാഴ്ച സലാലയ്ക്കും മസ്‌കത്തിനുമിടയിലുള്ള വിമാനങ്ങളും വൈകിയിരുന്നു. സലാല എയര്പോര്ട് താൽക്കാലികമായി അടച്ചിടുകയും ചെയ്തു.ഒമാൻ എയറിൻ്റെ വെബ്‌സൈറ്റിലോ കോൾ സെൻ്ററുമായി ബന്ധപ്പെട്ടോ അവരുടെ ഫ്ലൈറ്റ് സ്റ്റാറ്റസ് പരിശോധിക്കാൻ ഒമാൻ എയറും യാത്രക്കാരോട് നിർദേശിച്ചു.