ശ്രീനഗര്‍: ജമ്മു കശ്മീരിലെ ലേയില്‍ ബസ് താഴ്ചയിലേക്ക് മറിഞ്ഞ് ഏഴ് പേര്‍ മരിച്ചു, 20 പേര്‍ക്ക് പരിക്കേറ്റു. പരിക്കേറ്റവരെ ലേയിലെ ജില്ല ആശുപത്രിയിലും സൈനിക ആശുപത്രിയിലും പ്രവേശിപ്പിച്ചു. ലഡാക്കിലെ ദുര്‍ബുക്കില്‍ ഇന്ന് ഉച്ചയോടെയാണ് അപകടമുണ്ടായത്. പരിക്കേറ്റവരില്‍ ചിലരുടെ നില ഗുരുതരമാണ്. 

ലേയില്‍ നിന്ന് കിഴക്കന്‍ ലഡാക്കിലേക്ക് യാത്രക്കാരുമായി പോകുകയായിരുന്ന സ്‌കൂള്‍ ബസാണ് അപകടത്തില്‍പ്പെട്ടത്. 200 അടി താഴ്ചയിലേക്കാണ് ബസ് മറിഞ്ഞ ബസില്‍ നിന്ന് പരിക്കേറ്റവരെ ഹെലികോപ്റ്റര്‍ മാര്‍ഗമാണ് ആശുപത്രികളില്‍ എത്തിച്ചത്.

ലേയിലെ ഒരു സ്‌കൂളിലെ ജീവനക്കാര്‍ കല്യാണചടങ്ങില്‍ പങ്കെടുക്കാനായി പോകുമ്പോഴാണ് അപകടമുണ്ടായത്. ബസിലുണ്ടായിരുന്നത് 27 പേരാണ്, പരിക്കേറ്റ 20 പേരില്‍ മൂന്ന് പേര്‍ കുട്ടികളും 17 പേര്‍ സ്ത്രീകളുമാണ്

A devastating bus accident in Jammu and Kashmir has resulted in 7 fatalities. Read more about this tragic incident and the latest updates.