ദുബൈ: ഇന്ത്യ, മിഡിൽ ഈസ്റ്റ്, തുർക്കി ആൻഡ് ആഫ്രിക്ക (ഐ.എം.ടി.എ) മേഖലയിൽ ഐ.എസ്.ഒ 10007 നേടിയ ആദ്യ സ്ഥാപണമെന്ന ഖ്യാതി ദുബൈയിലെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർ.ടി.എ)ക്ക്. ഈ അഭിമാനകരമായ അംഗീകാരം എൻജിനീയറിങ് മാറ്റങ്ങളിലൂടെ ഉയർന്ന നിലവാരമുള്ള ഉൽപന്നങ്ങളും സേവനങ്ങളും നൽകാനും അടിസ്ഥാന സൗകര്യ വികസനത്തിന്റെ സമയ പരിധിയിലുടനീളം ഡിജിറ്റൽ ശേഷി കൈവരിക്കാനുമുള്ള ആർ.ടി.എയുടെ അചഞ്ചലമായ പ്രതിബദ്ധത അടിവരയിടുന്നുവെന്ന് അധികൃതർ അറിയിച്ചു. കോൺഫിഗറേഷൻ മാനേജ്‌മെൻ്റ് ചട്ടക്കൂടിലെയും പ്രക്രിയകളിലെയും കർശന സമ്പ്രദായങ്ങളിലൂടെയാണ് ഇത് നേടിയെടുത്തത്. 

ഐ.എസ്.ഒ 10007 അംഗീകാരത്തിലൂടെ കോൺഫിഗറേഷൻ മാനേജ്മെൻ്റിന് സമഗ്രമായ മാർഗനിർദ്ദേശങ്ങളാണ് ലഭിക്കുന്നത്. ഈ സർട്ടിഫിക്കേഷൻ നേടുന്നതിലൂടെ ജീവിത ചക്രത്തിലുടനീളം എല്ലാ ദുബൈ റെയിൽ ആസ്തി കോൺഫിഗറേഷനുകളും ഇൻഫർമേഷൻ ക്യാപിറ്റലൈസേഷനും പരമാവധിയാക്കുന്നുവെന്ന് ഉറപ്പാക്കി ശക്തമായ ഒരു കോൺഫിഗറേഷൻ മാനേജ്‌മെൻ്റ് സിസ്റ്റം നടപ്പിലാക്കാനും പരിപാലിക്കുക്കാനുമുള്ള സമർപ്പണം ആർ.ടി.എ പ്രകടമാക്കി.

ഐ.എസ്.ഒ 10007 സർട്ടിഫിക്കേഷൻ്റെ പ്രധാന നേട്ടങ്ങളിൽ മെച്ചപ്പെടുത്തിയ ഗുണനിലവാര ഉറപ്പ്, എല്ലാ കോൺഫിഗറേഷൻ വശങ്ങളും സൂക്ഷ്മമായി കൈകാര്യം ചെയ്യുന്നതിലൂടെ ഉൽപ്പന്ന പ്രകടനത്തിലെ സ്ഥിരതയും വിശ്വാസ്യതയും എന്നിവ ഉറപ്പാക്കുന്നുവന്നതാണ്. എല്ലാ ഉൽപന്ന കോൺഫിഗറേഷനുകളുടെയും വിശദമായ രേഖകൾ പരിപാലിക്കുന്നതിലൂടെയും, പെട്ടെന്ന് തിരിച്ചറിയാനും പ്രശ്നങ്ങൾ പരിഹരിക്കാനും ഇത് സഹായിക്കുന്നു. 

ബ്രിട്ടീഷ് സ്റ്റാൻഡേർഡ് ഇൻസ്റ്റിറ്റ്യൂട്ട് (ബി.എസ്.ഐ) ഗ്രൂപ്പ് നടത്തിയ കർശനമായ ഓഡിറ്റിനും മൂല്യനിർണ്ണയ പ്രക്രിയയ്ക്കും ശേഷമാണ് ഐ.എസ്.ഒ 10007 സർട്ടിഫിക്കേഷൻ ലഭിച്ചത്. ഈ സർട്ടിഫിക്കേഷൻ ആർ.ടി.എയുടെ പ്രവർത്തന കാര്യക്ഷമത വർധിപ്പിക്കുക മാത്രമല്ല, ഉയർന്ന നിലവാരത്തിലുള്ള സേവനങ്ങൾ നൽകുന്നതിന് ആർ.ടി.എ പ്രതിജ്ഞാബദ്ധമാണെന്ന ഉറപ്പ് ഉപഭോക്താക്കൾക്ക് നൽകുകയും ചെയ്യുന്നു.