മലപ്പുറം: അംഗീകൃത  പാരലല്‍ കോളജുകളില്‍ ഹയര്‍ സെക്കന്‍ഡറി  ബിരുദ കോഴ്‌സുകള്‍ക്കു പഠിക്കുന്ന പട്ടികജാതി  വിദ്യാര്‍ഥികള്‍ക്കു വിദ്യാഭ്യാസ ആനുകൂല്യത്തിന് അപേക്ഷിക്കാം. ഒന്നാം വര്‍ഷ ഹയര്‍  സെക്കന്‍ഡറി-ബിരുദ വിദ്യാര്‍ഥികള്‍ സര്‍ക്കാര്‍  എയ്ഡഡ് സ്ഥാപനങ്ങളില്‍  അപേക്ഷിച്ചിരുന്നെങ്കിലും പ്രവേശനം ലഭിച്ചില്ലെന്ന സാക്ഷ്യപത്രം ബന്ധപ്പെട്ട സ്ഥാപന  മേധാവിയില്‍ നിന്നു വാങ്ങി അപേക്ഷയോടൊപ്പം സമര്‍പ്പിക്കണം. നിശ്ചിത മാതൃകയിലുള്ള  അപേക്ഷാ ഫോറത്തിനൊപ്പം ജാതി, നേറ്റിവിറ്റി, ആധാര്‍, ബാങ്ക് പാസ്ബുക്കിന്റെ പകര്‍പ്പ്,  ചേരാന്‍ ഉദ്ദേശിക്കുന്ന കോഴ്‌സിനുള്ള അടിസ്ഥാന യോഗ്യത എന്നിവ തെളിയിക്കുന്ന  സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകളും ഹാജരാക്കണം.  അപേക്ഷാ ഫോം  ജില്ലാ പട്ടികജാതി വികസന ഓഫിസ്, ബ്ലോക്ക്  നഗരസഭ പട്ടികജാതി വികസന  ഓഫിസ് എന്നിവിടങ്ങളില്‍ ലഭിക്കും.  സെപ്തംബര്‍ 31നകം അപേക്ഷ സമര്‍പ്പിക്കണം.