കൊച്ചി:സിനിമാ മേഖലയുമായി ബന്ധപ്പെട്ട പുറത്ത് വന്ന ആരോപണങ്ങളില്‍ പ്രത്യേകിച്ചൊരു പരാതി ലഭിച്ചില്ലെങ്കിലും സര്‍ക്കാരിന് നിയമ നടപടികളുമായി മുന്നോട്ട് പോകാമെന്ന് നിയമോപദേശം.ഡയറക്ടര്‍ ജനറല്‍ ഓഫ് പ്രൊസിക്യൂഷനാണ് നിയമോപദേശം നല്‍കിയത്.ലൈംഗീകാരോപണങ്ങള്‍ പുറത്ത് വന്നിരിക്കുന്ന നിലവിലെ സാഹചര്യത്തില്‍ ഇരകളുടെ പരാതി ലഭിക്കണമെന്ന് നിര്‍ബന്ധമില്ലന്നാണ് സര്‍ക്കാരിന് നല്‍കിയിരിക്കുന്ന നിയമോപദേശം.ഹേമ കമ്മറ്റി റിപ്പോര്‍ട്ട് പുറത്തു വന്നതിനുശേഷവും പരാതി ലഭിച്ചാല്‍ നടപടിയെടുക്കും എന്നതായിരുന്നു സര്‍ക്കാരിന്റെ നിലപാട്.പിന്നാലെയാണ് സംവിധായകന്‍ രജ്ഞിത്തിനും നടന്‍ സിദ്ദിഖിനും എതിരെയുള്ള ആരോപണം ഉയര്‍ന്നത്.ഇതേ തുടര്‍ന്നാണ് സര്‍ക്കാര്‍ ഡയറക്ടര്‍ ജനറല്‍ ഓഫ് പ്രോസിക്യൂഷന്റെ നിയമോപദേശം തേടിയത്.

സര്‍ക്കാരിന് ആരോപണം പരിശോധിക്കാമെന്നാണ് ഡി.ജി.പിയുടെ നിലപാട്.പരാതി പോക്‌സോ പ്രകാരമാണെങ്കില്‍ നിയമനടപടികള്‍ ഉടന്‍ തുടങ്ങണമെന്നും മറ്റുള്ള ആരോപണങ്ങളില്‍ പൊതുജന മധ്യത്തില്‍ നിന്നും ഉയര്‍ന്നുവരുന്ന ആരോപണങ്ങള്‍ ശ്രദ്ധയില്‍ പെട്ടാല്‍ സര്‍ക്കാരിന് ആവശ്യമായ തുടര്‍ നടപടിയെടുക്കാം എന്നുമാണ് നിയമോപദേശം.ഇതിന്റെ അടിസ്ഥാനത്തില്‍ ആദ്യഘട്ടത്തില്‍ പൊലിസ് പ്രാഥമിക അന്വേഷണം നടത്തുകയും നടിമാരുടെ ആരോപണങ്ങളില്‍ കേസെടുക്കുകയും ചെയ്യും.

സംവിധായകന്‍ രഞ്ജിത്തിനെതിരെ പ്രാഥമിക അന്വേഷണം ആരംഭിച്ചു.നടന്‍ സിദ്ദിഖിനെതിരെയും അന്വേഷണം ആരംഭിക്കാന്‍ പൊലിസിന് നിര്‍ദേശം നല്‍കിയിട്ടുണ്ട്.ഇതിന്റെ അടിസ്ഥാനത്തില്‍ പൊലിസ് നടിമാരുടെ മൊഴി രേഖപ്പെടുത്തും.നടിമാരുടെ പീഡന വെളിപ്പെടുത്തലുകളുടെ അടിസ്ഥാനത്തില്‍ രജ്ഞിത്തിനെതിരേയും നടന്‍ സിദ്ധീഖിനെതിരേ പോക്‌സോ പ്രകാരവും കേസെടുക്കണമെന്നാവശ്യപ്പെട്ട് കൊച്ചി വൈറ്റില സ്വദേശിയും പൊലിസില്‍ പരാതി നല്‍കിയിട്ടുണ്ട്.

The Kerala government, guided by legal advice, is set to proceed with investigations into recent allegations in the film industry. The police have initiated preliminary inquiries against director Ranjith and actor Siddique following serious accusations.