ബെംഗളൂരു: ആരാധകനെ കൊലപ്പെടുത്തിയതിനു ജയിലിലായ കന്നഡ നടൻ ദർശൻ തൊഗുദീപയ്ക്ക് ജയിലിനുള്ളിൽ നിയമവിരുദ്ധമായി സൗകര്യങ്ങൾ നൽകുന്നതിന്റെ തെളിവുകൾ പുറത്തുവന്നു. ജൂൺ 11ന് അറസ്റ്റിലായ ദർശൻ ഇപ്പോൾ ബെംഗളൂരുവിലെ പരപ്പന അഗ്രഹാര സെൻട്രൽ ജയിലിലാണ് ഉള്ളത്. ഇവിടെ മറ്റുപ്രതികൾക്കൊപ്പം ദർശൻ പുകവലിച്ചിരിക്കുന്ന ചിത്രമാണു പുറത്തുവന്നത്.

കേസിൽ അറസ്റ്റിലായ മാനേജർ നാഗരാജ്, ഗുണ്ടാ നേതാവ് വിൽസൻ ഗാർഡൻ നാഗ എന്നിവർക്കൊപ്പമാണ് ദർശൻ പുകവലിച്ചിരിക്കുന്നത്. ചോർന്ന ഫോട്ടോകളിൽ, ജയിലിൻ്റെ പൂന്തോട്ടം പോലെ തോന്നിക്കുന്ന സ്ഥലത്ത് ദർശൻ ഇരിക്കുന്നതും ഒരു കൈയിൽ കാപ്പി മഗ്ഗും മറുകൈയിൽ സിഗരറ്റും പിടിച്ച് മാനേജർ നാഗരാജും കുപ്രസിദ്ധ റൗഡി വിൽസൺ ഗാർഡൻ നാഗയും ഉൾപ്പെടെയുള്ള മറ്റ് തടവുകാരും ഉണ്ട്. സുരക്ഷിതമായ സൗകര്യങ്ങളിൽ നിന്ന് ദർശൻ എങ്ങനെയാണ് സിഗരറ്റ് നേടിയതെന്നും മറ്റ് തടവുകാരെ അപേക്ഷിച്ച് അദ്ദേഹം അനാവശ്യ സുഖസൗകര്യങ്ങൾ ആസ്വദിക്കുന്നുണ്ടോയെന്നും ചർച്ച പിന്നാലെ ഉയരാൻ ആരംഭിച്ചിട്ടുണ്ട്.

അഡീഷണൽ ഐജി ആനന്ദ് റെഡ്ഡി, ഡിഐജി (ജയിൽ) എം സോമശേഖർ എന്നിവരെ ഞങ്ങൾ ഇതിനകം ജയിലിലേക്ക് അയച്ചിട്ടുണ്ടെന്ന് കർണാടക പ്രിസൺസ് ആൻഡ് കറക്ഷണൽ സർവീസസ് ഡയറക്ടർ ജനറൽ മാലിനി കൃഷ്ണമൂർത്തി പറഞ്ഞു. അവർ അവിടെ ചെന്ന് അന്വേഷിച്ച് റിപ്പോർട്ട് സമർപ്പിക്കും. ചിത്രം യഥാർത്ഥമാണോ എന്ന് ആദ്യം മനസ്സിലാക്കണം. ഇത് യഥാർത്ഥമാണെങ്കിൽ, ഞങ്ങൾ ഇത് വളരെ ഗൗരവമായി കാണുകയും നടപടിയെടുക്കുകയും ചെയ്യുമെന്നും അദ്ദേഹം പറഞ്ഞു.

ആരാധകനായ ചിത്രദുർഗ സ്വദേശി രേണുകാസ്വാമിയെയാണ് നടനും കൂട്ടാളികളും കൊലപ്പെടുത്തിയത്. വനിതാ സുഹൃത്തും നടിയുമായ പവിത്ര ഗൗഡയ്ക്ക് മോശം സന്ദേശം അയച്ചതാണ് കൊലപാതകത്തിലേക്ക് നയിച്ചത്. വിവാഹിതനായ ദർശനും പവിത്രയും തമ്മിലുള്ള ബന്ധം ഇഷ്ടപ്പെടാതെയാണ് ആരാധകനായ രേണുകാസ്വാമി സന്ദേശം അയച്ചത്.