ആനക്കര: ചാലിശ്ശേരി മഹാത്മ ചാരിറ്റബിള്‍ സൊസൈറ്റി ഹണി വെല്‍ ക്ലിക്ക് എന്നിവ ചേര്‍ന്ന് ഇന്നും നാളെയും സമ്പൂര്‍ണ മെഡിക്കല്‍ ക്യാംപ് നടത്തും. ചാലിശ്ശേരി പി.പി ഓഡിറ്റോറിയത്തില്‍ നടക്കുന്ന പരിപാടി കാലത്ത് ഒന്‍പതിന് ചാലിശ്ശേരി പഞ്ചായത്ത് പ്രസിഡന്റ് ടി.കെ സുനില്‍കുമാര്‍ ഉദ്ഘാടനം ചെയ്യും.
പ്രഭാകരന്‍ അധ്യക്ഷനായി. കാംപില്‍ അലോപ്പതി ആയുര്‍വേദ വിഭാഗങ്ങളില്‍ സൗജന്യ വൈദ്യ പരിശേധന, തെരഞ്ഞെടുക്കപ്പെടുന്ന തിമിരരോഗികള്‍ക്ക് സൗജന്യ ശസ്ത്രക്രിയ, അര്‍ഹരായ നിര്‍ധന രോഗികള്‍ക്ക് സൗജന്യ മരുന്ന് വിതരണം, സൗജന്യ രക്ത പരിശോധന, ധനസഹായം, ബോധവല്‍ക്കരണ സെമിനാറുകള്‍, ഹെല്‍ത്ത്കാര്‍ഡ് പദ്ധതി ഉദ്ഘാടനം, കുടുംബസംഗമം എന്നിവയും രണ്ടു ദിവസത്തെ ക്യംപില്‍ നടക്കും.
സമാപന സമ്മേളനം നാളെ വൈകീട്ട് അഞ്ചിന് വി.ടി ബല്‍റാം എം.എല്‍.എ ഉദ്ഘാടനം ചെയ്യും. എ.എം ഷഫീഖ് അധ്യക്ഷനാകും.