പത്തനംതിട്ട: റാന്നിയിൽ പച്ചക്കറി വാങ്ങുന്നതിനിടെ തർക്കത്തെ തുടര്ഡ‍ന്ന് വ്യാപാരിയെ വെട്ടിക്കൊന്നു. റാന്നിയിൽ പച്ചക്കറി വ്യാപാരം നടത്തിയിരുന്ന അനിലാണ് കൊല്ലപ്പെട്ടത്. സംഭവത്തിൽ രണ്ടു പേരെ പൊലിസ് കസ്റ്റഡിയിലെടുത്തു. തിങ്കളാഴ്‌ച രാത്രിയാണ് സംഭവം നടന്നത്. പച്ചക്കറി വാങ്ങുന്നതിനിടെയുണ്ടായ തർക്കമാണ് കൊലപാതകത്തിലേക്ക് കലാശിച്ചത്. പിടിയിലായവരിൽ ഒരാൾ ഒട്ടേറെ ക്രിമിനൽ കേസുകളിൽ പ്രതിയാണ്.