തിരുവനന്തപുരം: ഉച്ചഭാഷിണി ഉപയോഗിക്കാന്‍ അനുമതിക്കായുള്ള അപേക്ഷ നല്‍കാന്‍ ഇനി മുതല്‍ പൊലിസ് സ്റ്റേഷനില്‍ കയറിയിറങ്ങേണ്ടതില്ല. കേരള പൊലിസിന്റെ 'പോല്‍ ആപ്പ് 'വഴിയോ 'തുണ' വെബ്‌സൈറ്റ് വഴിയോ ഓണ്‍ലൈനായി അപേക്ഷ സമര്‍പ്പിക്കാമെന്ന് പൊലിസ് അറിയിച്ചു.

ഇതിനായി ആപ്പ് ഫോണില്‍ ഇന്‍സ്റ്റാള്‍ ചെയ്തശേഷം അക്കൗണ്ട് ക്രിയേറ്റ് ചെയ്യണം. ആപ്പിലെ 'മൈക്ക് സാങ്ഷന്‍ രജിസ്‌ട്രേഷന്‍ ' ഓപ്ഷന്‍ ക്ലിക്ക് ചെയ്യുക. തുടര്‍ന്ന് വിവരങ്ങള്‍ പൂരിപ്പിക്കണം. അപേക്ഷകന്റെ വിവരങ്ങള്‍, മൈക്ക് ഓപ്പറേറ്ററുടെ ലൈസന്‍സ്, തിരഞ്ഞെടുപ്പ് ആവശ്യങ്ങള്‍ക്ക് ആണെങ്കില്‍ റിട്ടേണിങ് ഓഫിസറുടെ സര്‍ട്ടിഫിക്കറ്റ്, വാഹനത്തിനാണെങ്കില്‍ റൂട്ട്, വിവരങ്ങള്‍ തുടങ്ങിയവ അപ്ലോഡ് ചെയ്യണം.

സാധാരണ ആവശ്യങ്ങള്‍ക്ക് 365 രൂപയും വാഹനത്തില്‍ ഉച്ചഭാഷിണി ഘടിപ്പിക്കുന്നതിനാണെങ്കില്‍ 610 രൂപയും ഓണ്‍ലൈന്‍ വഴി ഫീസ് അടയ്ക്കാം. തുണ വെബ്‌സൈറ്റ് വഴിയും അപേക്ഷ നല്‍കാം.
അപേക്ഷകള്‍ സ്ഥലത്തെ അസിസ്റ്റന്റ് കമ്മിഷണര്‍/ഡിവൈ.എസ്പി ഓഫിസുകളിലേക്കും വാഹനത്തിലേക്ക് ഉള്ളതാണെങ്കില്‍ ജില്ലാ സ്‌പെഷ്യല്‍ ബ്രാഞ്ച് ഓഫിസുകളിലേക്കും കൈമാറ്റം ചെയ്യപ്പെടും. അവിടെ നിന്നുള്ള തുടര്‍ അന്വേഷണങ്ങള്‍ക്ക് ശേഷം അനുമതി ലഭിച്ചാല്‍ സര്‍ട്ടിഫിക്കറ്റ് ഡൗണ്‍ലോഡ് ചെയ്‌തെടുക്കാം.

Kerala Police has introduced a new feature allowing citizens to apply for public address system permits online via the 'Pol' app or 'Thun' website. Users can create an account, submit necessary documents, and pay fees for regular or vehicle-mounted permits online, eliminating the need to visit a police station. Once processed, permits can be downloaded directly from the app.