തൃശൂര്‍: മാധ്യമപ്രവര്‍ത്തകരെ കൈയേറ്റം ചെയ്ത സംഭവത്തില്‍ കേന്ദ്ര മന്ത്രി സുരേഷ് ഗോപിക്കെതിരെ അന്വേഷണത്തിന് നിര്‍ദേശം. മുന്‍ എം.എല്‍.എ അനില്‍ അക്കരയുടെ പരാതിയില്‍ അന്വേഷണത്തിന് തൃശൂര്‍ സിറ്റി എ.സി.പിക്ക് കമീഷണര്‍ നിര്‍ദേശം നല്‍കി.  

ആവശ്യമെങ്കില്‍ മാധ്യമപ്രവര്‍ത്തകരില്‍നിന്ന് മൊഴിയെടുക്കുമെന്ന് എ.സി.പി വ്യക്തമാക്കി. വ്യാഴാഴ്ച രാവിലെ 11 മണിക്ക് കമീഷണര്‍ ഓഫിസിലെത്തി മൊഴി നല്‍കുമെന്ന് അനില്‍ അക്കരെ അറിയിച്ചു. തൃശൂര്‍ രാമനിലയം ഗസ്റ്റ് ഹൗസില്‍ വച്ച് മുകേഷ് അടക്കമുള്ള നടന്മാര്‍ക്കെതിരെ ഉയര്‍ന്ന ആരോപണത്തെക്കുറിച്ച് ചോദിച്ചപ്പോഴായിരുന്നു സുരേഷ് ഗോപി മാധ്യമപ്രവര്‍ത്തകരെ കൈയേറ്റം ചെയ്തത്. മാധ്യമങ്ങളോട് പ്രതികരിക്കാന്‍ സൗകര്യമില്ലെന്ന് പറഞ്ഞ് തള്ളിമാറ്റിയ സുരേഷ് ഗോപി. എന്റെ വഴി എന്റെ അവകാശമാണെന്നും പ്രതികരിക്കാന്‍ സൗകര്യമില്ലെന്നുമാണ് സുരേഷ് ഗോപി മാധ്യമങ്ങളോട് പറഞ്ഞത്.

മാധ്യമപ്രവര്‍ത്തകര്‍ വഴി തടസ്സപ്പെടുത്തിയെന്നാരോപിച്ച് സുരേഷ് ഗോപിയും തൃശൂര്‍ സിറ്റി പൊലീസ് കമീഷണര്‍ക്ക് പരാതി നല്‍കിയിട്ടുണ്ട്.

The authorities have ordered an investigation into the alleged attack on journalists by actor and MP Suresh Gopi, sparking concerns about media freedom and the safety of journalists in Kerala.