കൊച്ചി: കൊച്ചി കപ്പല്‍ശാലയില്‍ എന്‍.ഐ.എ പരിശോധന. നിര്‍ണായക വിവരങ്ങള്‍ ചോര്‍ത്തിയതുമായി ബന്ധപ്പെട്ട കേസിലാണ് കപ്പല്‍ശാലയിലും ജീവനക്കാരുടെ ക്വാര്‍ട്ടേഴ്‌സിലുമാണ് ഹൈദരാബാദ് എന്‍.ഐ.എ യൂണിറ്റിലെ ഉദ്യോഗസ്ഥര്‍ വൈകീട്ട് വരെ പരിശോധന നടത്തിയത്.

എന്‍.ഐ.എ ഒരു ജീവനക്കാരനെ കസ്റ്റഡിയിലെടുത്ത് ചോദ്യം ചെയ്തു. കഴിഞ്ഞ ഡിസംബറില്‍ കപ്പല്‍ശാലയിലെ കരാര്‍ തൊഴിലാളി ശ്രീനിഷ് പൂക്കോടനെ പൊലീസ് അറസ്റ്റ് ചെയ്തിരുന്നു. 2023 മാര്‍ച്ച് ഒന്ന് മുതല്‍ ഡിസംബര്‍ 19 വരെയുള്ള കാളയളവില്‍ പ്രതിരോധ കപ്പലുകള്‍ക്കുള്ളിലെ ചിത്രങ്ങള്‍ അടക്കം ചില സുപ്രധാന വിവരങ്ങള്‍ 'ഏഞ്ചല്‍ പായല്‍' എന്ന ഫേസ്ബുക്ക് അക്കൗണ്ട് വഴി കൈമാറിയെന്നാണ് ശ്രീനിഷ് പൂക്കോടനെതിരെയുള്ള കേസ്.

നിര്‍മാണത്തിലിരുന്ന നാവിക സേന കപ്പലില്‍ അതിക്രമിച്ച് കയറി ഇയാള്‍ ചിത്രങ്ങള്‍ മൊബൈലില്‍ പകര്‍ത്തുകയായിരുന്നത്രെ. വി.വി.ഐ.പികളുടെ സന്ദര്‍ശന വിവരങ്ങള്‍, കപ്പലുകളുടെ വരവും നങ്കൂരമിടലും സംബന്ധിച്ചുള്ള വിവരങ്ങള്‍ ഫേസ്ബുക്ക് അക്കൗണ്ട് വഴി ചോര്‍ന്നെന്നാണ് കണ്ടെത്തല്‍. ഇതുമായി ബന്ധപ്പെട്ട അന്വേഷണത്തിന്റെ ഭാഗമാണ് ബുധനാഴ്ചത്തെ പരിശോധന.

The National Investigation Agency (NIA) has launched an investigation at the Kochi Shipyard, sparking speculation about potential security threats or irregularities at the facility.