തിരുവനന്തപുരം: അനധികൃത സ്വത്തുസമ്പാദന കേസില്‍ സിഡ്‌കോ മുന്‍ എം.ഡി സജി ബഷീറിന്റെ തിരുവനന്തപുരത്തെ വീട്ടില്‍ വിജിലന്‍സ് റെയ്ഡ്. രാവിലെയോടെ പേരൂര്‍ക്കട മണ്ണാംമൂലയിലെ വസതിയിലാണ് പ്രത്യേക സംഘം റെയ്ഡ് നടത്തിയത്.

നിയമനം വാഗ്ദാനം ചെയ്ത് കോടികള്‍ തട്ടിയെന്ന കേസില്‍ വിജിലന്‍സ് സജിക്കെതിരെ ത്വരിത പരിശോധന നടത്തിയിരുന്നു. സിഡ്‌കോ എം.ഡിയായിരിക്കെ സജി ബഷീര്‍ 23 ലക്ഷം അനധികൃതമായി സമ്പാദിച്ചതായി പ്രാഥമിക അന്വേഷണത്തില്‍ വിജിലന്‍സ് കണ്ടെത്തി

ഇതേതുടര്‍ന്ന് കേസ് രജിസ്റ്റര്‍ ചെയ്ത് അന്വേഷണം നടത്തി വരികയാണ്. ഇതിന്റെ ഭാഗമായാണ് റെയ്ഡ് നടന്നത്.